بو گون - ۱۰ دکابر بین‌الخالق انسان حاقلاری گونو مناسبتیله نوروئچین پایتاختی اسلودا نوبل صلح مکافاتینین تقدیم‌ائتمه مراسمی کئچیریلیب.

Axar.az خبر وئریر کی، بو باره‌ده نوبل فوندو معلومات یاییب.

گونئی آذربایجانلی سیاسی محبوس نرگس محمدینین «ایرانلی قادینلارین ظلمه معروض قالماسینا قارشی مبارزه‌سی و هامی اوچون انسان حاقلاری و آزادلیغین تشویقی سعیلرینه گؤره" قازاندیغی ۲۰۲۳-جو ایل اوزره نوبل صلح مکافاتی ۱۷ یاشلی اکیز اؤولادلارینا تقدیم ائدیلیب.

نرگس محمدی تهرانین ائوین حبسخاناسیندان نوبل صلح مکافاتینین تقدیم‌ائتمه مراسمینه مکتوب گؤندریب.

«اسلام رسپوبلیکاسی خالقین وضعیتینی یاخشیلاشدیریلماماسی اوچون بوتون حرکتلرین قارشی‌سینی آلیب. بو رژیم آرتیق خالقا یاددیر. ایران حکومتی سیاسی لگیتیملیینی ایتیریب. بین‌الخالق اجتماعیتدن ایران خالقینی دستکله‌مک اوچون کونکرت ایستراتگییا دوشونمیی طلب ائدیرم. دموکراتییا بیزیم اساس مقصدیمیزدیر و بیز کؤکلو دییشیکلیک ایستییریک»،- محبوس حقوق مدافعه‌چی‌سی مکتوبوندا بیلدیریب.

قید ائدک کی، گونئی آذربایجانین زنجان شهرینده دوغولان نرگس محمدی حاضردا تهرانین ائوین حبسخاناسیندا ساخلانیلیر. او، ۱۰ ایل ۸ آی حبس، ۱۵۴ شاللاق جزاسینا محکوم ائدیلیب. او، حبسخانادا ساخلانیلان باشقا ۴ قادین محبوسلا بیرلیکده قادین محبوسلارا قارشی تضییقلره اعتراض اولاراق آجلیق آکسییاسی کئچیریر.