دکابرین ۱۲-ده دنیادا یاشایان آذربایجانلیلار جنوبی آذربایجاندا باش وئرمیش ۲۱ آذر (۱۲ دکابر) حرکاتینین ۷۸-جی ایلدؤنومونو قید ائدیر.

Axar.az خبر وئریر کی، ۱۹۴۵-جی ایل دکابرین ۱۲-ده (۲۱ آذر) یاراندیغی اعلان ائدیلن آذربایجان میللی حکومتی بیر ایللیک فعالیتی زمانی اهالینین حیاتینا گتیردیی مهم یئنی‌لیکلرله یادداشلاردا قالیب. اونلارین سیاهی‌سینا آنا (آذربایجان) دیلینده تحصیل، ساوادسیزلیقلا مبارزه، تبریز اونیورسیتتینین یارانماسی، تورپاق اصلاحاتلاری، فهله‌لرین حقوقلارینین قورونماسی و قادینلارین کیشیلرله عینی حاقلارا مالک اولماسی استقامتینده ایشلر داخلدیر.

سید جعفر پیشه‌وری-نین رهبرلیک ائتدیی میللی حکومت ۱۹۴۶-جی ایلین دکابریندا سقوطا اوغراییب. بئله کی، ایران اردوسو میللی حکومتین پایتاختی تبریز شهرینی اله کئچیریب و حکومتین چوخ‌سایلی عضولری گولللنیب. اون مینلرله انسان مهاجرته گئدیب.

سید جعفر پیشه‌وری ده داخل اولماقلا چوخ‌سایلی حرکات اشتراکچی‌سی او زمانکی سووئت آذربایجانینا مهاجرت ائدیب.

سید جعفر پیشه‌وری ۱۹۴۷-جی ایلده آذربایجانین یئولاخ رایونو اراضی‌سینده آوتوموبیل قضاسی نتیجه‌سینده وفات ائدیب.