۲۱ آذر - میللی آزادللق حرکاتینین ۷۸-جی ایلدؤنومو مناسبتیله بنیلوکس آذربایجانلیلاری کنگرسی طرفیندن نیدرلاند کراللیغینین روتردام شهرینده‌کی «قاراباغ» ایدمان کلوبونون قرارگاهیندا تدبیر تشکیل ائدیلیب.

بو باره‌ده Axar.az-آ بنیلوکس آذربایجان‌لیلاری کنگرسینین جنوبی آذربایجان اوزره نماینده‌سی آراز آتاخان معلومات وئریب.

اونون سؤزلرینه گؤره، تدبیرده نیدرلانددا فعالیت گؤسترن آذربایجان، ائلجه ده تورک تشکیلات و اجماع عضولری اشتراک ائدیب.

مراسم میللی حکومتینین «یاشا، آذربایجان!» و آذربایجانین دولت هیمنی ایله باشلاییب. سونرا ۲۱ آذر حادثه‌لرینی عکس ائتدیرن فیلم نمایش ائتدیریلیب.

بنیلوکس آذربایجانلیلاری کنگرسینین صدری ائلسور ممدوو ۲۱ آذر حادثه‌لری حاقیندا قیسا خلاصه وئررک، بونون خالقیمیزین تاریخینده مهم بیر حادثه اولدوغونو قید ائدیب.

بنیلوکس آذربایجانلیلاری کنگرسینین صدرینین معاونی سیما جعفرووا ایسه چیخیشی زمانی ۲۰-جی عصرده گونئی آذربایجاندا باش وئرمیش مهم حادثه‌لردن دانیشاراق، سترخان، خیابانی، ۲۱ آذر و دیگر میللی اویانیش حرکاتلاری تاریخیندن سؤز آچیب. همچینین، گونئی آذربایجان‌لیلارین دموکراتییا و عدالتین، میللی حاقلارین برپاسی، آنا دیلینین، یئرلی عادت و عنعنه‌لرین یاشانماسی نامینه آپاردیقلاری مبارزه‌دن دانیشیب.

بنیلوکس آذربایجان‌لیلاری کنگرسینین جنوبی آذربایجان اوزره نماینده‌سی آراز آتاخان ۲۱ آذرده میللی حکومتین قوروجولاریندان اولان باش ناظر سید جعفر پیشه‌وری و اونونلا چیین-چیینه چالیشمیش دیگر ضیالیلاریمیزین حیات و یارادیجی‌لیغینی، مبارزه‌سینی دیله گتیررک، بو حرکاتین یارانما ضرورتی و انکشاف مرحله‌لری باره‌ده تاریخی فاکتلاری اورتایا قویوب. او، قاجارلار ایمپرییاسینین سقوطوندان گونوموزه کیمی آذربایجانین آزادلیغی و خالقین میللی-مدنی حقوقلاری اوغروندا یورولمادان، داواملی اولاراق دشمنه قارشی چارپیشان شجاعتلی مبارزلرین باشینا گتیریلن مصیبتلری ده تدبیر اشتراکچیلارینین دقتینه چاتدیریب.

تدبیرده داها سونرا بنیلوکس آذربایجانلیلاری کنگرسی اداره هیئتینین عضوو، آذربایجان-هوللاندییا همرایلیک جمعیتینین صدری نیازی امیکیشیئو، بین‌الخالق خانیملار کلوبونون تاسیسچی‌سی کماله جلیلووا، نیدرلاند بلچیکا آذربایجانلیلاری کوردیناسییا شوراسینین عضوو جعفر گوندوغدو دا چیخیش ائدیبلر. چیخیشلاردا ۲۱ آذر آزادلیق حرکاتینین اهمیتی، ۴۴ گونلوک وطن محاربه‌سی، قاراباغین ۳۰ ایلدن سونرا دشمن جایناغیندان قوپماسی و آزادلیق مفهومونون آسپکتلری ده دقته چاتدیریلیب.