بیر نئچه گون اول تهلوکه‌سیزلیک اداره‌سینه چاغیریلان آنا دیلی حرکاتی فعالی، کئچمیش سیاسی محبوس علیرضا فرشینین عائله‌سینه تضییق گؤستریلیر.

Axar.az خبر وئریر کی، بو باره‌ده فعال اؤزو معلومات یاییب.

بیلدیریب کی، او، چاغیریشین قانونسوز اولدوغونو اساس گتیررک اداره‌یه گئتمکدن امتنا ائتدیی اوچون آنا و باجیسینا زنگ ائدیلیر.

«بو قدر ظلم و قددارلیغا سون وئرین! هانسی قانون سیزه ۸۰ یاشلی آناما، ائلجه ده باجیما زنگ ائتمیینیزه اجازه وئریر؟ لعنت اولسون سیزه! شهیدین حیات یولداشی و اؤولادینا دا حرمت ائتمیرسینیز»،- فرشی سوسیال مدیا حسابیندا یازیب.

قید ائدک کی، مدنی فعال علیرضا فرشینین آتاسی ایران-عراق محاربه‌سی زمانی شهید اولوب. او، آنا دیلی ساحه‌سینده‌کی دینج فعالیتلرینه گؤره ۲۰۲۰-جی ایلین ایول آیینین ۲۱-ده ساخلانیلاراق، تهران شهرینین ائوین حبسخاناسینا کؤچورولوب. فعال ۲۰۲۳-جو ایل فورالین ۸-ده حبسخانادان بوراخیلیب.