حساب ائدیره‌م کی، مناسیبتلریمیزین تاریخی آرتیق درین اینام‌سیزلیق اوچون اساس‌دیر. و آذربایجانین لیدرین‌دن و من‌دن سوروشماغین معناسی یوخدور کی، بیز بیر-بیریمیزه گووه‌نیریک، یا یوخ؟ آیدیندیر کی، یوخ.

Axar.az خبر وئریر کی، بو سؤزلری ارمنیستان باش ناظری نیکول پاشینیان «فرانس ۲۴» تله‌کانالینا مصاحیبه‌سین‌ده آذربایجان پرزیدنتی ایلهام علیئوه گوونیب-گوونمدیی سوالینا جواب وئررکه‌ن دئییب.

«آنجاق پروبلم بو دئییل، پروبلم بودور: کیچیک آددیملارلا اینام یاراداجاغیقمی؟ محض اعتمادین یارادیلماسی پروسسین‌ده بیز چتینلیکلرله قارشیلاشیریق»، - پاشینیان بیلدیریب.

«علیئو صولحه حاضر اولدوغو دئییب، اصلینده ایسه محاربه‌یه حاضیرلاشیرمی» سوالینا پاشینیان مثبت جواب وئریب:

"آذربایجان لیدری دیپلماتیک تماسلار زامانی بیان ائدیر کی، اونلارین هجوم ائتمک نیتی یوخدور. پروبلم اوندادیر کی، بیر داها تکرار ائدیره‌م: بیر چوخ آنالیتیکه بئله قناعته گلمک اوچون اساس وئرن اجتماعی مذاکیره‌لر، سونراکی پراکتیکی ایشلر و «یئرده» گئدن پروسسلردیر. بزه‌ن بونون نیه بئله اولمادیغینا اعتراض ائتمک و عکس آرقومئنتلر گتیرمک چوخ چتین اولور».