من بیلیرم کی، سیز خوجالی‌لیلار او واخت بوتون آذربایجان خالقی کیمی، سئوینمیسینیز. اونو دا بیلیرم، سیزین اوریینیزده معین فکرلر وار ایدی کی، بس خوجالی نه اولاجاق، بس خانکندی نه اولاجاق؟ من بونو بیلیردیم، آنجاق سیزه دئیه بیلمیردیم کی، نه اولاجاق.

Axar.az خبر وئریر کی، بونو پرزیدنت ایلهام علیئو فورالین ۲۶-دا خوجالی رایون اجتماعیتینین نماینده‌لری ایله گؤروشونده دئییب.

«حالبوکی سیز ده بیلیردینیز، من ده بیلیرم کی، هر شی عدالتلی اولاجاق. بیز خوجالی‌سیز اراضی بوتؤولویوموزون، سووئرنلییمیزین تام برپا اولوندوغونو حساب ائده بیلمزدیک. خوجالینین آذربایجان خالقینین تاریخینده و شعوروندا او قدر بؤیوک یئری وار کی، بو فاجعه قلبیمیزده او قدر بؤیوک یارالار سالیب کی، خوجالی آزاد اولونمادان بیز ساکتلشه بیلمزدیک. بئش آی اول آنتی‌ترور عملیاتی نتیجه‌سینده خوجالی داخل اولماق شرطیله، بوتون او واخت دیگر اراضیلر - هانسیلار کی، اشغال آلتیندا ایدی و سپارات‌چیلار اورادا آت اوینادیردیلار - آزاد ائدیلدی. ۲۰۲۳-جو ایل اوکتیابرین ۱۵-ده خوجالی‌دا آذربایجان بایراغی قالدیریلدی. بیز خوجالی‌دا بؤیوک آبادلیق ایشلرینه ده استارت وئرمیشیک» - علیئو قید ائدیب.