آذربایجانلا ارمنیستان آراسیندا صولح پروسسی اوزره فیزیکی گؤروشلرین واجیب اهمیتی وار.

Axar.az خبر وئریر کی، بو باره‌ده آذربایجان خاریجی ایشلر ناظری جیحون بایراموو آنتالیا دیپلماتییا فورومو چرچیوه‌سینده ژورنالیستلره آچیقلاماسین‌دا بیلدیریب.

"۲۸-۲۹ فورال تاریخلرینده آذربایجان و ارمنیستان نماینده هئیتلری بئرلینده صولح پروسسی اوزره دانیشیقلاری داوام ائتدیردیلر. بوندان اول صولح دانیشیقلاری ۷ آی اولار کی، کئچیریلمیردی. ۲۰۲۳-جو ایلین یای آیلاریندا هئیتلر ایکی دفعه گؤروشموشدولر. بوندان سونرا آنجاق صولح پروسسی ایله باغلی متن و لاییحه‌لرین بیر-بیرینه اؤتورولمه‌سی قیده آلین‌دی. ایسته‌نیله حالدا بو پروسس‌ده فیزیکی گؤروشلرین واجیب اهمیتی وار"، - ناظر دئییب.

بایراموو قید ائدیب کی، سون دورلر صولح دانیشیقلاریندا مثبت دینامیکا مشاهده اولونور:

"ایلک اولاراق من مونحن تهلوکه‌سیزلیک کنفرانسین‌دا آذربایجان پرزیدنتی و ارمنیستان باش ناظرینین آلمانییا کانسلرینین تشببوسو ایله گؤروشونو قید ائتمک ایستردیم، هانسی کی، بللی بیر فاصیله‌دن سونرا لیدرلر آراسین‌دا بیر تماس اولدو. عمومی‌لیکده بیز گؤروشو مثبت قیمتلندیریریک. و همین او تماس‌دان سونرا دا خاریجی ایشلر ناظیرلرینین ده گؤروشو باره‌ده قرار قبول اولوندو".

ناظر عمومی‌لیکده صولح پروسسی ایستیقامتین‌ده آپاریلان دانیشیقلاری یوکسک قیمتلندیریب:

«بورادا بیزیم تکلیفیمیز و قارشی طرفین ده قبول ائتدیی یاناشما اوندان عبارت ایدی کی، بوندان اؤنجکی مذاکیره‌لردن فرقلی اولاراق متن، کونکرت ماده‌لر اوزره مذاکیره‌لر آپارمادیق. آنجاق، بیر نئچه آچیق و طرفلرین راضیلاشمادیغی یاناشمالار وار. و بیز اساساً همین مقاملارین مذاکیره‌سینه ایکی گون حصر ائتدیک».