آنا صحیفه گوندم |
سون بیر نئچه گون عرضینده ایرانین مختلف شهرلرینده حکومته باغلی گروپلار اسرائیله قارشی آکسییالار کئچیرمهیه باشلاییبلار.
Axar.az خبر وئریر کی، بو بارهده ایران مدیاسی معلومات یاییب.
اؤتن گئجه بیر نئچه شهرده، او جملهدن همدان و شرقی آذربایجان ایالتینین ماراغا شهرینده ده آکسییا کئچیریلیب.
حکومته باغلی آکسییاچیلار اسرائیله قارشی شعارلار سسلندیریب، بو اؤلکهنین بایراغینی یاندیریبلار.
آکسییالار بایرام شنلیی مراسملری ایله عینی واختدا کئچیریلیب. رادیکال گروپلارین عضولری وطنداشلاری آنتیسمیتیزم آکسییالارینا قوشولماغا دعوت ائدیبلر.
همداندا کئچیریلهن آکسییا یهودیلرین تاریخی و مقدس مکانلاریندان اولان "استر و مردخای" تربهسینین قارشیسیندا باش توتوب.
آکسییاچیلار تاریخی تربهنین داغیدیلماسی و یئرینده مسجد انشا ائدیلمهسینی ایستهییبلر.
قید ائدک کی، بو آکسییالار رمضان آیینین سون جمعه گونونون خمینی طرفیندن اعلان ائدیلهن "قدس گونو"نه حاضرلیق مقصدی ایله کئچیریلدیی احتمال اولونور.
ایلک دفعه ۱۹۸۲-جی ایلده روحالله خمینی-نین تشببوسو ایله «فلسطینین آزادلیغینا دستک» ادعاسی و اسرائیلین محو ائدیلمهسی طلبی ایله اسرائیله قارشی میتینگ کئچیریلیب.
او واختدان ایراندا، لیواندا و بیر نئچه باشقا اؤلکهده ایرانین مالیهلشدیردیی و اله آلدیغی گروپلار هر ایل رمضان آیینین سونونجو جمعه گونو بو جور تدبیرلر کئچیریر، ایرانین سیاسی-ایدئولوژی محاربهسینه دستک وئریرلر.
تاریخ
2024.03.26 / 22:44
|
مولف
Axar.az
|