یوخاری

ایران باکی‌داکی سفیرینی تعجیلی گئری چاغیردی – بو فوتویا گؤره

آنا صحیفه گوندم
12 Punto 14 Punto 16 Punto 18 Punto

ایرانین آذربایجانداکی سفیری عباس موسوی بو گون وظیفه‌سیندن آزاد ائدیلیب.

Axar.az خبر وئریر کی، اونون وظیفه‌سیندن آزاد ائدیلمه‌سی ۲۰۲۰-جی ایلدن بو وظیفه‌ده چالیشماسی و صلاحیت مدتینین باشا چاتماسی ایله علاقه‌لندیریلیب.

حالبوکی، اولا، عباس موسوینین صلاحیت مدتینین باشا چاتماسینا هله ۵ آی واردی. بئله کی، عباس موسوی آذربایجانا ۲۰۲۰-جی ایلین ۲۱ آوگوستوندا گلیب.

عینی پروسس بوندان اوولکی سفیره - جواد جهانگیرزاده‌یه ده عایددیر. جواد جهانگیرزاده ۲۸ آوگوست ۲۰۱۶-جی ایلده آذربایجانا سفیر تعیین ائدیلمیشدی.

گؤروندویو کیمی، ایران سفیرلرینی ۴ ایلدن بیر، آوگوستون ایکینجی یاریسیندا دییشیر.

ایکینجی‌سی، سفیرین صلاحیت مدتی باشا چاتاندا آرتیق یئنی سفیر تعیین ائدیلمیش اولور. ایرنا-نین بو گون یایدیغی معلوماتدا ایسه یئنی سفیرین کیملیی مسئله‌سی یوخ‌دور. بو ایسه او دئمکدیر کی، عباس موسوی «جدی پوزونتویا گؤره» واختیندان اول وظیفه‌سیندن آزاد ائدیلیب و گئری چاغیریلیب.

مسئله ایسه اوندادیر کی، آرتیق بیر نئچه گوندور عباس موسوییه قارشی ایرانین رسمی مدیاسی کامپانیا آپاریردی. اونو باکی‌داکی سفیرلیک بناسیندا مصاحبه وئررکه‌ن، خانیم ژورنالیستین (باکو ت.و امکداشی) گئییمینه گؤره تنقید ائدیردیلر و استعفایا چاغیریردیلار. رسمی ایران مدیاسی خانیم ژورنالیستین ایران سفیرلیینه باشیاچیق، هم ده اتکده داخل اولماسینی و او جور ده مصاحبه آلماسینی ایران قانونلارینا تحقیر ساییر، بونون قارشی‌سینی آلمادیغی اوچون سفیری تنقید و تحقیر ائدیر، اونون تعجیلی گئری چاغیریلماسینی طلب ائدیردیلر. خاطیرلادیلیردی کی، بوندان اؤنجه ایرانین آوروپاداکی سفیرلری ده عینی سهوه گؤره جزالاندیریلمیشدیلار.

ایران مدیاسینی "ناراحات ائد‌ن" هم ده آذربایجانلی ژورنالیستین آذربایجان بایراغی یانیندا اوتورماسی ایدی. بو گون "تسنیم"این یایدیغی تنقیدی ماتریالدا قید ائدیلیردی کی، آذربایجانلی ژورنالیست رسمی شخص دئییل و اونون ایران سفیرلیینده مصاحبه آلارکه‌ن آذربایجان بایراغینین قویولماسی دیپلماتیک اتیکت قایدالارینا سیغمیر.

هر بیر حال‌دا بایراغین قویولماسینین سفیرین تمثیل اولوندوغو اؤلکه‌یه حرمت علامتی اولماسینی قبول ائتمه‌یه‌ن و عمومیتله، هر زمان اوچ‌رنگلی بایراغا قیسقانج یاناشان ایران مدیاسی داها چوخ بونا قارشی تبلیغات آپاریردی. گؤرونور، موسوینین وظیفه‌دن آلینماسینین سببی ده ژورنالیستین باشیندا کلاغایی اولماماسیندان داها چوخ، سفیرین مصاحبه وئرن زمان ژورنالیستین یانیندا گؤرونه‌ن آذربایجان بایراغیدیر.

"تسنیم" حتی بو بایراغی آذربایجانلی ژورنالیستین اؤزونون گتیردیینی بیلدیرمیش و موسوینی بو بایراغی مصاحبه زمانی کادردا گؤرونمه‌سینه شرایط یاراتدیغی اوچون کسکین قینامیشدی.

بئله‌لیکله، آیدین اولور کی، عباس موسوی محض بیر نئچه گوندور ایرانین رسمی مدیاسینین گوندمیندن دوشمه‌یه‌ن «باشی‌آچیق خانیم ژورنالیسته» مصاحبه و ان اساسی دا آذربایجان بایراغینا گؤره جزالاندیریلیب و ایشدن چیخاریلیب.

تاریخ
2024.03.29 / 22:25
مولف
Axar.az
شرح لر
دیگر خبرلر

بونا قارشی تعجیلی تدبیرلرین گؤرولمه‌سینه احتیاج وار - خارجی ایشلر ناظرلییی

آذربایجان ارمنستان‌دان تضمینات طلب ائتدی

ارمنستان اعتراف ائتدی: آتشی بیز آچمیشیق...

پاشینیان آذربایجانلا باغلی بو مسئله‌نی گیزله‌دیر

اسرائیلله امکداشلیق خیانت‌دیرسه، ایروانا قارداشلیق ندیر؟

بروکسل‌دن علیئوه زنگلر: ایروانا آچیق شکیل‌ده... - مارکوو

ارمنی فوتبولچونون شوشاداکی ویللاسی... - ویدئو

ارمنیلرین سرحدیمیزده‌کی دؤیوش موقعلرینده ۳۸ گوندور...

آرایکین گیزلندیی «سارای»دان گؤرونتولر - ویدئو

روسییا حربی بازاسی قاراباغا کؤچوروله بیلر - مارتینوو

خبر خطّی
Axar.az'da reklam Bağla
Reklam
Bize yazin Bağla