۱۹:۱۳

اسرائیل سوریانین پایتاختی دمشقه آویاضربه‌لر ائندیریب.

Axar.az خبر وئریر کی، بو باره‌ده ریا نووستی معلومات یاییب.

راکت ایرانین دمشقده‌کی سفیرلیینین یاخینلیغینداکی بنایا دوشوب.

خسارت آلانلار باره‌ده معلومات اولماسا دا، سفیرلیین بناسینا جدی زیان دیدیی بیلدیریلیب.

***

اسرائیل حربی هوا قوه‌لرینین راکتینین سوریا پایتاختینین غربینده، ایران سفیرلیی و کنسوللوغونون یئرلشدیی اراضی‌نی وورماسی نتیجه‌سینده آزی ۶ نفر هلاک اولوب. حادثه یئرینه یانغین‌سؤندورمه بریقادالاری گلیب.

الده اولونان معلوماتلارا گوره، راکتلردن بیری لیوان و فلسطین تشکیلاتلارینین نماینده‌لری ایله گؤروشلر اوچون استفاده ائدیله‌ن ولایا دوشوب. ایران سفیری حادثه یئرینده اولوب، لاکن خسارت آلماییب.

***

راکت هجومو نتیجه‌سینده بیر نئچه ایرانلی دیپلمات و حربی مشاور اؤلوب. اونلارین آدلاری داها سونرا آچیقلاناجاق.

بو باره‌ده ایرانین سوریاداکی سفیری حسین اکبری معلومات وئریب.

سفیر وورغولاییب کی، ضربه‌دن سونرا داغینتیلار تمیزلنمه‌ییب:

"۵-۷ نفرین اؤلدویونو دوشونوروک. دقیق رقملر داها سونرا اعلان ائدیله‌جک".