سفیر مهدی صبحانینین سون آچیقلاماسی ایران-اسرائیل قارشی‌دورماسی فونوندا ارمنی خالقینی آنتی‌اسرائیل احوال-روحییه‌سینه کؤکله‌مک مقصدی داشیییر. دیگر طرفدن صبحانی اسرائیل اوزریندن غربه مساژ وئریب.

بو سؤزلری Axar.az-آ آچیقلاماسین‌دا جنوبی قفقاز تدقیقاتلار مرکزینین دیرکتورو، سیاسی شرحچی فرهاد مممدوو دئییب.

«مهدی صبحانی دوغرو دئییر، ایکینجی قاراباغ محاربه‌سینده اسرائیل سلاحلاری ارمنیستان اوردوسونون جدی تلفاتینا سبب اولوب. اما اورتادا بیر فرق وار. آذربایجان بو سلاح-سورساتی و حربی تکنیکانی اسرائیل‌دن اؤز پولو ایله تورپاقلارینی اشغال‌دان آزاد ائتمک اوچون ساتین آلیب. ایران ایسه ۴۴ گونلوک وطن محاربه‌سی دؤورونده اراضیلریمیزی اشغال آلتیندا ساخلاماسی اوچون ارمنیستانا کوللی میقداردا سلاح-سورسات و حربی تکنیکا گؤندریب. دیگر طرفدن ایران طرفیندن وئریلن بوتون رسمی آچیقلامالاردا صلحه طرفدار اولدوقلاری بیلدیریلیر. آنجاق تهران هانسی فورمادا الده ائدیله‌جک صلحو دستکلدیکلریندن بحث ائتمیر. اگر دقت یئتیرسک، ایران دولتینین آچیقلامالاریندا صلح مقاویله‌سیندن قطیعان دانیشیلمادیغینی گؤرریک. چونکی آذربایجان و ارمنیستان آراسین‌دا صلح مقاویله‌سینین امضالانماسی ایرانین ماراقلارینا جواب وئرمیر. مهدی صبحانی ده سرحدلرین دلیمیتاسییا و دمارکاسییا پروسسی ایله باغلی حادثه‌لرین آکتیولشدیی بیر واخت‌دا بئله قیجیقلاندیریجی آچیقلامالار وئرمکله تمثیل ائتدیی دولتین بو مقصدینه خیدمت ائدیر»، - سیاسی شرح‌چی بیلدیریب.

قید ائدک کی، ایرانین ارمنیستان‌داکی سفیری مهدی صبحانی آپرلین ۱۶-دا کئچیردیی مطبوعات کنفرانسیندا ایکینجی قاراباغ محاربه‌سینده ارمنی عسگرلرینین اسرائیل سلاحلاری ایله اؤلدورولدویونو دئییب.