قازاخین ۴ کندینین آذربایجانا قایتاریلماسی باره‌ده ارمنیستانلا راضی‌لیق الده ائدیلیب.

Axar.az خبر وئریر کی، بو باره‌ده آپرلین ۱۹-دا کئچیریله‌ن آذربایجان ایله ارمنیستان آراسیندا دولت سرحدینین دلیمیتاسییاسی اوزره دولت کمیسیاسی و ارمنیستان ایله آذربایجان آراسیندا دولت سرحدینین دلیمیتاسییاسی و سرحد تهلوکه‌سیزلیی مسئله‌لری اوزره کمیسیانین سککیزینجی گؤروشونده راضی‌لیق الده اولونوب.

بئله کی، دلیمیتاسییا پروسسینین ایلکین مرحله‌سینده طرفلر سرحد خطینین آیری-آیری حصه‌لرینین سووئت اتفاقی چرچیوه‌سینده اونون سقوطو دورونه موجود اولدوغو حقوقی جهتدن اساسلاندیریلمیش رسپوبلیکالارآراسی سرحده اویغون اولاراق باغانیس - باغانیس آیریم، ووسکپار - آشاغی اسکیپارا، کیرانتس – خیریملی و برکابئر - قیزیل‌حاجی‌لی یاشاییش منطقه‌لری آراسیندا بلاواسطه کئچمه‌سینی راضیلاشدیریبلار.

قرارا آلینیب کی، سرحد خطینین بو حصه‌لرینین تصویری کوردیناتلاری یئرده‌کی گئودزیا اؤلچمه‌لرینه اساسلاناراق دقیقلشدیریلمه‌سی نظره آلینماقلا ترتیب ائدیلسین و بو، طرفلر آراسیندا ۱۵ مای ۲۰۲۴-جو ایل مدتینه‌دک موافق پروتوکول-تصویرله سندلشدیریله‌رک راضیلاشدیریلمالی و امضالانمالیدیر.