آنا صحیفه گوندم |
۲۰۲۲-جی ایلین پاییزیندا روسیا اردوسو عسگر و تکنیکا سایینا گؤره ۲-۳ دفعه آز اولدوغوندان، اوکراینا اردوسو هجوما کئچمیشدی. چونکی غرب اؤلکهلری اوکراینا سلاحلی قوهلرینه خیلی تکنیکا وئریردی. بو دا اوکراینانین اوستونلویونه سبب اولوردو. ایندی ایسه روس اردوسو ایرلیلییر.
بو سؤزلری Axar.az-آ روسیالی پولیتولوق سرگی مارکوو اوکراینا-روسیا محاربهسینده حاضیرکی دورومو شرح ائدرکهن دئییب.
اونون سؤزلرینه گؤره، روسیا اردوسونون حیاتا کئچیردیی اوغورلو تاکتیکا اونون اوستونلویو ایله نتیجهلنه بیلر:
«اوکراینا سلاحلی قوهلری ایله روسیا اردوسونون تاکتیکاسی بیر-بیریندن کؤکلو شکلده فرقلنیر. اوکراینا اردوسو ۳-۴ هجوم استقامتی تعیین ائدیب. آمریکالیلار اوکراینا سلاحلی قوهلرینه ۲-۳ یوخ، بیر استقامتده، زاپاروژیده جمعلشمیی تکلیف ائدیبلر. روسیا اردوسو ایسه فرقلی حرکت ائدیر. اونلارین ۲-۳ استقامتی یوخدور. روس اردوسونون استفاده ائتدیی تاکتیکا «چین استراتاگما»سیندا مین کیچیک ضربه کیمی تصویر ائدیلیب. بئلهلیکله، روسیا اردوسو عینی واختدا اونلارلا استقامتده هجوم حیاتا کئچیریر. آنجاق بونلار چوخ کیچیک هجوملاردیر. بو هجوملار سایهسینده اوکراینا اردوسو ضعیف دوشور. بو جور تاکتیکالارین - مین بیر کیچیک کسیین نتیجهسینده اوکراینانین مدافعهسی جبههنین بیر نئچه حصهسینه داغیلدیقدا، جبههده کیفیت دییشیکلیی باش وئرجک. روس اردوسو ایسه آرتیق اوغور قازاندیغی یئره داها سرت ضربهلر ائندیره بیلیر. اما اونلارلا استقامتین هانسیندا مدافعهنین چؤکجیینی هئچ کیم پروگنوزلاشدیرا بیلمز. بو، تصادفی عامللردن ده آسیلیدیر. لاکن بو جور تاکتیکالارین اوغور قازانما احتمالی حربی آنالیتیکلر طرفیندن چوخ یوکسک قیمتلندیریلیر. همچنین، اوکراینا اردوسونون اساس پروبلمی عسگر سایینین آزلیغیدیر. روس اردوسوندا ایسه عسگر چوخدور».
مارکوو قید ائدیر کی، قرب اؤلکهلری اوکراینانین قازانماسی اوچون بعضی تاکتیکا معین ائدیب، لاکن بونون ایشه یارایاجاغیندان تام امین دئییللر:
«غرب اؤلکهلری جبههنین داغیلاجاغیندان قورخور. بونا گؤره فرانسا پرزیدنتی ماکرون ناتو قوشونلارینین اوکراینا اراضیسینده یئرلشدیریلمهسی بارهده دوشونمک ایدئیاسینی اورتایا آتیب. لاکن ماکرون فرانسا اردوسونون جبههیه گؤندریلمهسینی تکلیف ائتمیر. او تکلیف ائدیر کی، فرانسا اردوسو شمالدا، بلاروسلا سرحدده دایانسین و بونونلا دا اوکراینا سلاحلی قوهلرینه بورا توپلادیغی قوهلری همین سرحددن جبههیه کؤچورمهیه امکان یاراتسین. یاخود، مینالاردان تمیزلهمه کیمی معین ایشلرده، محافظهده اوکراینا عسگرلرینی اوز ائتسین. ماکرون ناتو قوشونلارینین اوکراینانین ساغ ساحلینه، دنپر چایی استقامتینه گؤندریلمهسینی تکلیف ائدیر. بئلهلیکله، روسیایا دنئپردن کئچه بیلمیجیینه دایر سیگنال وئریرلر. چونکی بو حالدا ناتو اردوسو ایله حربی توققوشمالارا گیرمهلی اولاجاق. لاکن امین دئییللر کی، بونونلا روسیانی دایاندیرا بیلهجکلر».
تاریخ
2024.05.05 / 10:21
|
مولف
ووساله ایسگندرووا
|