تورکیه‌نین کونیا شهرینده کئچیریله‌ن «آنادولو آنکاسی – ۲۰۲۴» بین‌الخالق آختاریش-خلاص‌ائتمه تعلیمی داوام ائدیر.

بو باره‌ده Axar.az-آ مدافعه ناظیرلیینین مطبوعات خدمتیندن معلومات وئریلیب.

بیلدیریلیب کی، تعلیمین نوبتی گونونده اشتراک‌چیلارا تهلوکه‌سیزلیک قایدالاری، یئرینه یئتیریله‌جک تاپشیریقلار و اونلارین اجرا آردیجیللیغی، آختاریش-خلاص‌ائتمه تدبیرینین گؤرولجیی اراضینین رئلیفی، قورولوشو و اقلیمی ایله باغلی ضروری معلوماتلاری عکس ائتدیرن بریفینگ تقدیم ائدیلیب.

تعلیمین پلانینا اساساً، اراضینین ویزوال مشاهده‌سی آپاریلماقلا شرطی دشمن اوبیکتی قیمتلندیریلیب، داها سونرا اونون آوتوموبیل کولونو پوسقویا سالینیب و ترور گروپلاشماسینین عضولری اله کئچیریلیب.

آذربایجان اردوسونون بیر گروپ حربی قوللوقچوسو و آویاسییا واسطه‌لرینین ده اشتراک ائتدیی تعلیمین کئچیریلمه‌سینده اساس مقصد حربی قوللوقچولارین بیلیک و باجاریقلارینین تکمیللشدیریلمه‌سی، او جمله‌دن اشتراکچی اؤلکه‌لرین حربی قوللوقچولاری آراسیندا قارشی‌لیقلی اوزلاشما و تجروه مبادله‌سینین تامین ائدیلمه‌سیدیر.