آرتیق ۲ گوندور اؤلکه و دونیا گوندهمی ایران پرزیدنتی ابراهیم رئیسی و خاریجی ایشلر ناظیری عبداللهیانین اؤلومو ایله، داها دوغروسو، ۸ نفرین حیاتینی ایتیرمهسی ایله نتیجهلنهن هلیکوپترین قزاسی خبرلری ایله چالخالانیر. حادثه ایله باغلی تحلیل و آراشدیرمالار ایسه قزانین اساس سببی کیمی اؤلکه ادارهائتمهسینده اؤنملی رولا صاحب اولان شخص و یا شخصلری داشییان هلیکوپترین استثمار مدتینی چوخدان تماملامیش اولماسی، ۶ نفرلیک توتوما صاحب اولماسینا باخمایاراق، اجازه وئریلندن داها آرتیق سایدا سرنیشین داشیماسی، احتیاط حیصهلری بئله سانکسییالار آلتیندا اولان و ایستحصالچی طرفیندن تکنیکی خیدمتین دایاندیریلدیغی نقلیات واسطهسینین اویغونسوز هاوا شرایطینده اوچوش ائتمهسی گؤستریلیر.
دئییلنه گؤره، ایراندا بوتون هلیکوپترلرین وضعیتی بئلهدیر. حتی تکجه هلیکوپترلر کهنه دئییل، آوتوبوس، قطار، آوتومبیل و دیگر مینیک واسطهلری آشاغی استاندارتلارلا خالقا و گؤرونور، اؤلکهنین رهبر شخصلرینه خیدمت گؤستریر – جان باهاسینا سبب اولا بیلهجک تهلوکهده اولان نقلیات واسطهسینین خدمتینه «خدمت» دئمک اولارسا...
دیگر طرفدن هلیکوپترین قزا ائتمهسیندن تقریباً ۱۲ ساعت و داها آرتیق مدته آختاریش هئیتی حادثه یئرینی معینلشدیره بیلیب. سونراکی تکزیب خبرلرینی نظره آلماساق، هلیکوپتردهکی شخصلرین بیر و یا بیر نئچهسی ایله علاقه ساخلانیلدیغینا، حتی رئیسی ایله دانیشیلدیغینا دایر خبرلر ده مئدیادا عکسینی تاپدیغینی خاطرلامیش اولاریق. هلیکوپترین داها آشاغی هوندورلوکدن اوچدوغونو، پیلوتون ائنیش اوچون ان اویغون واریانتلاردان استفادهیه چالیشدیغینی نظره آلاراق، قزا آنیندان ۸ نفردن هر هانسی بیرینین بلکه ده ساغ قورتولدوغونا دایر بیر فکر یارانیر. چونکی واختیندا مداخیله حیات قورتاریر...
بورادا ایسه آختاریش هئیتینه قالخان کیمی مانع اولان دیگر عامل اورتایا داخیل اولور: یول اینفراستروکتورونون اولماماسی. گونئیلی فعاللار، اراضییه یاخیندان تانیش اولانلار بیرمعنالی شکیلده دئییرلر کی، او اراضیده ایللردیر یول یوخدور. یاخینلیقداکی کندلرده یاشایانلار بونون اذیتینی چکیر. حتی بعضاً یاشادیقلاری یئردن سادهجه ایلده ۲ دفعه چیخا بیلیرلر.
یئرلی اهالی آراسیندا رئیسینی سئوهنلر قدر سئومهیهنلر، بو حادثهیه گؤره یاس ساخلایانلار قدر بایرام ائدیب، شنلنهنلر ده وار. نه قدر خوش اولماسا دا، اؤلومه سئوینهنلر ده اونلاردیر: ایللردیر شرایتسیزلیین، پروبلملرین ایچینده عمور چورودنلر.
حاضیرکی وضعیت – ایراندا عمومیتله حیات گؤستریجیسینی آشاغی سالان یاشام شرایطینین حکم سورمهسی رئیسی ایله باشلاماییب، هئچ رئیسی ایله ده بیتمهیهجک. ساده وطنداش ایسه یاشادیغی پروبلمین کیمدن و ندن قایناقلاندیغینین فرقینه وارمیر، گؤرمور، هئچ گؤرمک ده ایستمیر.
بلکه ده اؤلکهده اینفلیاسییا سوییهسینین یوکسلمهسی، اؤلکهنین اقتصادی جهتدن بحران وضعیتینه دوشمهسی و دیگر عامللر ایرانین رهبر شخصلرینین بو کیمی حادثهلرین اؤنلهمینی آلماسینا، پروبلملری زامانیندا گؤروب، آرادان قالدیرماسینا امکان وئرمیر.
البته، تالع، قسمت، آلین یازیسی، اللهین حکمو کیمی باریشدیریجی کلیمهلرین قارشیسیندا بیر یئرده سسیمیزی قیسیریق. اما منطیق دؤورهیه گیرهنده ایرانین تهلوکسیزلیین تعمینی جهتدن بیر قدر مسئولیتسیز یاناشماسینین نتیجهلرینین اؤلکهنین رهبر شخصلریندن ده یان کئچمدیینی گؤروروک.