ایرانین اراضی بوتؤولویونو سوال آلتینا آپاران ایسته‌نیله‌ن ایدئیایا قارشییام.

Axar.az خبر وئریر کی، بونو ایران پرزیدنتلیینه آذربایجانلی نامزد مسعود پزشکیان دئییب.

او، تانینمیش اجتماعی فعال سام گیورادین اونون ایران‌دا فدرالیزمین برقرار اولماسینا مناسبت بیلدیررکه‌ن، ایران‌دا فدرالیزم اولمادیغینی قید ائدیب.

«ایران تاریخ بویو خالقلارین بیرگه یاشاییش اصولو اساسیندا مختلف خالق، دیل، دین و مدنیتلرین بیرگه یاشادیغی بوتؤو بیر اؤلکه اولوب. منیم باشچی‌لیق ائدجییم دولتده اراضی و سیاسی بوتؤولویون قورونماسی شرطی ایله اؤلکه‌ده مدنی چئشیدلیلییه حرمتله یاناشیلاجاق»،- آذربایجانلی نامزد جواب وئریب.

پزشکیانین بو جوابی ایران‌لی سوسیال مدیا استفاده‌چیلری و فعاللار طرفیندن چوخ‌سایلی رئاکسییالارلا قارشیلاشیب.

فارس ملیت‌چیلری پرزیدنتلییه نامزدین بو فکرلرینی تیراژلایاراق، بونون «سپارات‌چی» و «پانتورکیست»لره آغیر جواب اولدوغونو ادعا ائدیبلر.

آذربایجان‌لی فعاللارین بیر قسمی پزشکیانین بو فکرلرینی ایضاح ائتمه‌یه چالیشیب، بیر قسمی ایسه بو سؤزلره گؤره مایوس اولدوقلارینی بیلدیریبلر.

قید ائدک کی، اصلا غربی آذربایجان ایالتینین سویوقبولاق (مهاباد) شهریندن اولان مسعود پزشکیان ۵ دوردور کی، تبریزین ایران پارلامنتینده‌کی نماینده‌سیدیر.