ایسته‌نیله‌ن اؤلکه‌نین کونستیتوسییاسیندا دیگر دولتین اراضی‌سینه قارشی ادعالار وارسا، بونا سون قویولمالیدیر.

Axar.az خبر وئریر کی، بونو ژورنالیستلره آذربایجان پرزیدنتینین کمکچی‌سی - پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجییئو بیلدیریب.

حکمت حاجییئو قید ائدیب کی، آذربایجانین موقعیی بللی‌دیر:

«آذربایجان گؤزلییر کی، ارمنیستان کونستیتوسیونال اساسدا آذربایجانا قارشی اراضی ادعالارینا سون قویسون. بیز باشا دوشوروک کی، کونستیتوسییا هر بیر اؤلکه‌نین داخلی ایشیدیر. اما کونستیتوسییادا دیگر دولتین اراضیسینه قارشی ادعالار وارسا، بونلارا سون قویولمالی‌دیر و حقوقی چرچیوه تام شکلده اراضی ادعالارینا سون قویاجاق فورمادا اولمالیدیر کی، بونون اساسیندا بیز ایر‌لی گئدک. آذربایجان تکلیف ائدیب کی، مینسک گروپونون فعالیتینه خیتام وئریلمه‌سی اوچون ارمنیستان و آذربایجان بیرگه آوروپا تهلوکه‌سیزلیک و امکداشلیق تشکیلاتی-نا مراجعت ائتسینلر. چونکی آرتیق مینسک گروپو کیمی تاسیساتین قالماسینا دا احتیاج یوخ‌دور. اگر مناقشه یوخدورسا، مینسک گروپونون اولماسینا نه اساس وار؟ بو خصوصدا آذربایجان ارمنیستان طرفینه تکلیف ائدیب کی، موقتی یاناشما اولاراق مناسبتلرین قورولماسینین اساسینی تشکیل ائد‌جک اساس پرینسیپلر باره‌ده بیز ایکی اؤلکه آراسینداکی قونشولوق مناسبتلرینین اساسینی تشکیل ائده بیله‌ن پرینسیپلر مسئله‌سینده ده راضیلیغا گله بیلریک. بونا آرالیق صلح مقاوله‌سی دئمزدیم. نظره آلماق لازم‌دیر کی، ۲۰۲۱-جی ایلده بوتؤولوکده صلح پروسسینین اساسینی تشکیل ائده پرینسیپلرین تشببوسکاری دا آذربایجان طرفی ایدی".