فرانسادا دمیر یولو اینفراستروکتورو تخریباتی ایرانین شر و رادیکال اسلام خطینین تأثیری آلتیندا پلانلاشدیریلیب و حیاتا کئچیریلیب.

Axar.az خبر وئریر کی، بو سؤزلری اسرائیلین خارجی ایشلر ناظیری اسرائیل کاتز اؤزونون X صفحه‌سینده یازیب.

«بو هفته اسرائیلین الینده اولان معلوماتلارا اساسلاناراق، فرانسالی همکاریم ایستفان سژورنیه خبردارلیق زمانی قید ائتدییم کیمی، ایرانلیلار اسرائیل نماینده هیئتینه و بوتون اولیمپیا اشتراک‌چیلارینا قارشی ترور هجوملاری پلانلاشدیریر. اونلارین حیله‌سینین قارشی‌سینی آلماق اوچون پروفیلاکتیک تدبیرلر گوجلندیریلمه‌لیدیر. آزاد دنیا ایرانی ایندی چوخ گئج اولمادان دایاندیرمالیدیر»، - کاتز وورغولاییب.

قید ائدک کی، فرانسادا اولیمپیادانین باشلادیغی گون نامعلوم شخصلرین اوچ خطده‌کی تکنیکی جیهازلارا و کابللره ضرر وئرمه‌سی سببیندن سرعت قاطارلارینین حرکتینده بؤیوک فاصله یارانیب. گئجیکمه‌لر ۸۰۰ مین سرنیشینه تأثیر ائدیب. پاریس-لوندون خطی ایسه لغو اولونوب.