آوگوستون ۱۵-ده اسرائیل خارجی ایشلر ناظیرلیی ایرانلا همسرحد اولان دولتلرده - آذربایجان، ارمنیستان، تورکمنیستان و تورکیه اراضی‌سینده یئرلشه‌ن بوتون اسرائیل وطنداشلارینا مراجعت ائدیب.

Axar.az خبر وئریر کی، بو باره‌ده «وستی اسرائیل» معلومات یاییب.

بیلدیریلیب کی، اسرائیل خارجی ایشلر ناظیرلیی ایرانین قونشولوغوندا اولان بو ۴ اؤلکه‌ده‌کی وطنداشلارینا آییق و احتیاط‌لی اولمالارینی توصیه ائدیب:

«ایران و اونون پروکسیلرینین اسرائیللیلره ضربه ائندیرمک جهدلری ایله علاقه‌دار اولاراق، خارجی ایشلر ناظیرلیی یوخاریدا گؤستریله‌ن دولتلره سفر ائد‌ن وطنداشلاری ماکسیموم آییق و احتیاط‌لی اولماغا و اسرائیل ملی تهلوکه‌سیزلیک شوراسی یانیندا ترورلا مبارزه قرارگاهینین گؤستریشلرینه عمل ائتمه‌یه چاغیریر»، - مراجعتده بیلدیریلیب.

خارجی ایشلر ناظیرلیی قید ائدیب کی، مراجعت ایران و اونون پروکسیلریندن گلن تهدیدلرله باغلیدیر. ناظیرلیک همچنین وورغولاییب کی، محاربه باشلایاندان بری ایران بوتون دنیادا اسرائیل هدفلرینه هجوم جهدلرینی گوجلندیریب.