یوخاری

"خیالی دهلیز یارانمایاجاق"- ایران مئدیاسی روسییانی اتهام ائتدی

آنا صحیفه گوندم
12 Punto 14 Punto 16 Punto 18 Punto

روسییا پرزیدنتی ولادیمیر پوتین و اؤلکه‌نین خاریجی ایشلر ناظری سرگئی لاورووون زنگزور دهلیزی و ارمنستانین بو دهلیزین آچیلماسینا دایر مانعه‌لر تؤرتمه‌سی باره‌ده‌سینده‌کی آچیقلامالاری ایران طرفینین غضبی ایله قارشیلانیب.

Axar.az خبر وئریر کی، بونونلا باغلی ایران مئدیاسی، خصوصاً سپاه-آ باغلی "تسنیم" خبر آگنت‌لییی گئنیش مقاله درج ائد‌رک مسکوانی اتهام ائدیب.

مقاله‌نین ایکینجی یاریسیندا "روسیایا رسمیلرینه بیر نئچه اهمیت‌لی توصیه" آدی آلتیندا ایرانین زنگزور دهلیزی و روسییانین موقعی ایله باغلی ۷ حیصه‌دن عبارت "توصیه"لر درج اولونوب.

"ولادیمیر پوتینین باکیا سون سفرین‌دن سونرا روسییانین یوکسک روتبه‌لی مأمورلارینین جنوبی قفقاز رگیونون‌دا کمونیکاسییا مارشروتو ایله باغلی سون موقعینین آچیقلانماسی و اونون سون گونلرده تکرارلانماسی،

ایرانین رگیونون جغرافییاسی ایله باغلی اعلان ائتدیی بعضی پرینسیپ و اساسلاری روسییا حاکمیتی اوچون بیر داها وورغولاماق لازیمدیر"،- مقاله‌نین باشلانغیجیندا دئییلیر.

بوندان سونرا مقاله‌ده روسیا خاریجی ایشلر ناظری سرگئی لاوروون «تأسف کی، ارمنستانین سیونیک بؤلگه‌سیندن کمونیکاسییا ایله باغلی باش ناظر پاشینیانین امضالادیغی مقاویله‌یه انگل تؤره‌دن ارمنستان رهبرلییی‌دیر» فکرلری تنقید اولونوب.

"روسییا خاریجی ایشلر ناظرینین بو موقعی مسکوانین آذربایجان رسپوبلیکاسیندان ناخچیوان بؤلگه‌سینه شرق-غرب مارشروتو اولاجاق «زنگزور» آدلی دهلیزین ارمنستانین بو اراضی‌دن کئچمه‌سی ایله باغلی خبر مطبوعات‌دا مختلف شرحلره و فرضیه‌لره سبب اولوب»،- لاورووا جواب اولاراق یازیلیب.

ایرانین یوکسک روتبه‌لی رسمیلری روسییا، آذربایجان رسپوبلیکاسی، ارمنستان و ترکیه رسمیلری ایله مختلف گؤروشلرده تهرانین سرحدلرده و رگیوندا گئوسییاسی دییشیکلیکلر گتیره‌جک بو دهلیزه آچیق شکیل‌ده قارشی اولدوغونو دفعه‌لرله بیان ائدیبلر.

یازینین داوامیندا روسییا خاریجی ایشلر ناظرلیینین سؤزچوسو مارییا زاخارووانین سون آچیقلامالارینا دا توخونولوب و بیلدیریلیب کی، بو آچیقلامالاردان سونرا روسیانین بو موقینه حساس‌لیق داها دا گوجلنیب.

سپاه-این مؤقعینی عکس ائتدیره‌ن یازیدا زاخارووانین "زنگزور آذربایجانین اساس اراضی‌سینی ارمنستان‌دان کئچمکله ناخچیوانا بیرلشدیره بیله‌جک مارشروتدور. زنگزور بلوکونون آچیلماسی ارمنستانلا اوچطرف‌لی صلح دانیشیقلاری چرچیوه‌سینده مطلق مذاکیره اولوناجاق" آچیقلاماسینا خصوصی حساس‌لیقلا یاناشیلیب.

"بو مؤقع ۲۰۲۰-جی ایلین نیابرین‌دا و باکی ایله ایروان آراسیندا ۴۴ گونلوک محاربه‌دن سونرا (۲۷ سنتیابر - ۱۱ نیابر ۲۰۲۰-جی ایل) مسکوا صلح سازیشینین ۹-جو بندینین تکراری ایدی؛ ۹-جو بند طرفلردن رابطه کاناللارینین بلوکلانماسینا سون قویماغی طلب ائدیر"،- زاخارووا قید ائدیب.

"سون مذاکیره‌لردن سونرا ایران دا روسییا طرفینه لازیمی مئساژی چاتدیرماق اوچون دیپلماتیک تدبیرلر گؤروب و روسییانین تهران‌داکی سفیرینی (آلکسی ددوو) ناظرلییه چاغیریب و خاریجی ایشلر ناظرینین کمک‌چی‌سی و آوراسییا اوزره باش دیرکتور موجتبا دمیرچیلو ایران اسلام رسپوبلیکاسینین روسییایا اعتراضینی بیلدیریب.

«او، قفقازدا داواملی صلحون و رگیونال امکداشلیغین اساسینین قارانتی اولان اؤلکه‌لرین ملی سوورنلیینه، اراضی بوتؤولویونه و قارشی‌لیقلی ماراقلارینا حرمت اولدوغونو قید ائدیب"،- "تسنیم" ایران طرفینین روسییایا اعتراض بیلدیرمه‌سینه توخونوب.

خبر آگنتلیینین درج ائتدیی گئنیش یازینین داوامیندا "روسییا حاکمیتینه بعضی واجب توصیه‌لر درج اولونوب.

«روسییا حاکمیتینه بیر نئچه مقامی خاطرلاتماق لازیم‌دیر"،- آدی آلتیندا وئریلن "مصلحت"لرده تهرانین رسمی مسکوانین زنگزور دهلیزی ایله باغلی موقعین‌دن درین ناراحاتلیق کئچیردیی حس اولونور.

بورادا دئییلیر:

«بیرینجی‌سی، روسیا خاریجی ایشلر ناظرلییی ایرانین گؤزلنتیلرینه ضد آچیقلامالار وئردی؛ اؤلکه‌میزین یوکسک وظیفه‌لی شخصلری واسطه‌سیله و بیر چوخ حاللاردا ایران اسلام رسپوبلیکاسی ناخچیوانی آذربایجانلا بیرلشدیرن زنگزور و دیگر دهلیزلرین ایسته‌نیله‌ن نوونه قارشی‌دیر، اونا گؤره ده روسییانین بو مؤوقئیی تعجب‌لودور!

ایکینجی‌سی، مسکوا حاکمیتی یاخشی بیلیر کی، ایران اسلام رسپوبلیکاسی مستقل اؤلکه کیمی رگیوندا، خصوصیله ده جنوبی قفقازدا باش وئرن ان خیردا حادثه‌لرله باغلی دقیق و آیدین مؤقعلره مالیکدیر.

ایران، همیشه آمریکایا، غربه و دونیادا حکمرانلیق ایسته‌یه‌نلرین هامی‌سینا قارشی دایانیب و ایران اسلام انقلابین‌دان سونرا باش وئرن تاریخی حادثه‌لر تهرانین قلوبال زوراکی‌لیقلارا قارشی دایانماق کیمی اساس استراتگییاسینی تسدیقلییر.

اوچونجوسو، ایران ایران اسلام رسپوبلیکاسی اؤز سرحدینده و اؤلکه‌نین تهلوکه‌سیزلیک سرحدلرین‌ده هر هانسی بیر دییشیک‌لییی قبول ائتمیر.

دؤردونجوسو، هئچ بیر قایدایا اساساً، جنوبی قفقاز اؤلکه‌لرینین هئچ بیرینین تهلوکه‌سیزلییی و گئوسییاسی موقعی دیگرلریندن اوستون دئییل؛ بس نیه بیزیم روس دوستلاریمیز ارمنستانلا پروبلملرینی حل ائتمک اوچون زنگزور دهلیزیندن استفاده ائتمه‌لی اولدوقلارینی دوشونورلر؟

بئشینجی‌سی، مسکوا و یا روسییا اوکراینا ایله محاربه‌نین قیزغین چاغیندا اولان‌دا آمریکالیلار جنوبی قفقازدا ناتو دریسینه بورونموش ایلان کیمی یول آچماق ایستییردیلر. اما ایران اسلام رسپوبلیکاسی بوتون گوجو ایله ناتو و آمریکانین قارشی‌سیندا تکباشینا دایاندی. بئله کی، بایدن حکومتی ایرانین زنگزور دهلیزینین آچیلماسینا یگانه مانعه اولدوغونو آچیقلادی.

روسییا اونو دا دقت‌ده ساخلامالیدیر کی، زنگزور دهلیزی مسئله‌سینده، سون ایکی ایلده بو اؤلکه‌نین باشی اوکراینا مسئله‌سینه قاریشارکه‌ن، بو مسئله‌ده ایران و شخصاً عالی رهبر منفعت‌پرست طرفلرین، خصوصاً ده غرب‌لیلرین اسراف‌چی‌لیغینا قارشی دایانیب، اونلارین تجاوزلرینه ایمکان وئرمیردی.

ایرانین اؤز موقعینی آچیق-آشکار بیان ائتدیی و بو مسئله دنیادا تعیین ائدیجی بیر مسئله‌یه چئوریلدیی، ایرانین بو مسئله‌ده موقعینین هامی طرفیندن ده اعتراف ائدیلدیی بیر واخت‌دا روسییانین مسئله ایله باغلی بئله بیر آچیقلاماسی تعجب‌لودور!!

آلتینجی مقام اوندان عبارت‌دیر کی، ایکی اؤلکه‌نین حاکمیت اورگانلاری ایستراتژی علاقه‌لر باغلاماغا حاضرلاشیر و بو، ایران اسلام رسپوبلیکاسینین هانسی‌سا ایستراتژی علاقه‌لر قورماق اراده‌سینه اشاره‌دیر. روسییانین یوکسک روتبه‌لی رسمیلری، خصوصاً ده بو اؤلکه‌نین پرزیدنتی ولادیمیر پوتین ده بو مسئله‌یه تاکید ائدیب.

جناب پوتینین ایران اسلام رسپوبلیکاسینین یوکسک روتبه‌لی رسمیلری ایله الده ائتدیی چوخ مهم و آیدین رازیلاشمالاری و ایکی اؤلکه‌نین ایستراتئژی علاقه‌لرین مؤهکملندیریلمه‌سین‌ده هدفلرینی نظره آلساق، روسییا خاریجی ایشلر نازیرلیینین بئله بیر مؤوقئیی تعجب‌لودور!! بئله گؤرونور کی، روسییا خاریجی ایشلر ناظرلیگی اوچون «ایستراتئژی موناسیبتلر»این پراکتیکی معناسی یئنی‌دن معین ائدیلمه‌لی‌دیر.

یئددینجی، گؤرونه‌ن اودور کی، روسییا خاریجی ایشلر ناظرلیگی آلدانیب و ایرانین موخالیفتی ایله قطیعاً یارادیلمایاجاق بو خیالی زنگزور دهلیزیندن استفاده ائتمکله ارمنستانلا پروبلملرینی حل ائتمک نیتینده‌دیر.

خاطرلاتماق یئرینه دوشر کی، زنگزور دهلیزینین آچیلماسی ایرانین آوروپایا آچیلان قاپیلاریندان بیرینین باغلانماسی و ایران اسلام رسپوبلیکاسینین قونشولارینین سایینین ۱۵-دن ۱۴-ا ائندیریلمه‌سی دئمکدیر.

ایران و روسییانین آختاردیغی «ایستراتژی علاقه‌لر» کونسپسییاسینا گؤره، بو جور تاکتیکی آددیملارین آتیلماسی استراتژی مناسیبتلرین اساسلاری ایله ضدیت تشکیل ائدیر.

یکون: چوخ گمان کی، زنگزوردا دهلیز دئییلن بیر شئی آچماق ایسته‌سه‌لر، غربلیلر بونا مطلق مقاومت گؤستره‌جکلر و سونرا بو مناقیشه ایرانین شمال-غربینین چوخ حساس سرحدلرینین دوز یانیندا یئنی آلوولانما مرکزی یاراداجاق.

اگر هر هانسی بیر اؤلکه اؤز سرحدلریندن کناردا باشقالارینین حسابینا یئنی آلوولانما و قارشی‌دورما جبهه‌سی آچماقلا اؤز پروبلملرینی حل ائده بیلجیینی دوشونورسه، او زمان دنیانین هئچ بیر یئری تهلوکه‌سیز اولمایاجاق و دونیادا دایمی خاوس حکم سوره‌جک".

قید ائدک کی، "تسنیم" خبر آگنت‌لییی ایران اسلام انقلابی کشیک‌چیلرینین و اؤلکه رهبری علی خامنه‌اینین فیکیر و مؤقعلرینی عکس ائتدیرن مئدیا قورومودور.

بونا گؤره ده، بورادا عکس اولونان موقعین هم ده علی خامنه‌اینین باخیشلارینی عکس ائتدیردیینی دئمک اولار.

بوندان اول ده، زنگزور دهلیزینین آچیلماسی ایله باغلی گئدن مذاکیره‌لرله باغلی علی خامنه‌ای اوخشار فکرلر سسلندیریب و اؤلکه‌نین باشقا یوکسک روتبه‌لی رسمیلری بونو ایرانین قیرمیزی خطی آدلاندیریبلار.

اونودا قید ائتمک یئرینه دوشر کی، روسییا ایله ایستراتژی متفیق‌لیکدن دانیشان تهران حاکمیتی، زنگزور دهلیزینده روسییا صلح‌مراملیلاری و نظارت‌چیلرینین اولماسینا قارشی چیخدیغی حال‌دا، باش‌دا آمریکا اولماقلا بیر نئچه غرب اؤلکه‌سینین ارمنستانین ایرانلا سرحد بؤلگه‌لرینده حربی بازا قورمالاری و حربچیلر یئرلشدیرمه‌لرینه ملایم یاناشیر.

بعضی ایران رسمیلری مسئله ایله باغلی وئردیکلری آچیقلامالاردا بیلدیریبلر کی، ارمنستانین کیمینله دوستلوق ائدیب، ائتمیجیی ایروانین اؤز ایشی‌دیر.

گؤرونه‌ن اودور کی، ایران جنوبی قفقازدا صلح و ثابیتلیین برقرار اولماماسی، آذربایجان رسپوبلیکاسینین صلح سازیشینده عکس اولونان طلبلرینین یئرینه یئتیریلمه‌مه‌سی اوچون اؤز سرحدینده آمریکا حربچیلرینین بئله اولماسینا راضی‌دیر.

تاریخ
2024.09.04 / 17:39
مولف
جاویدان
دیگر خبرلر

پرزیدنتلر شاهبولاق قالاسیندا... - فوتو

امارات ناظیری آذربایجانا گلدی

لیدرلر آغدام‌دا ظفر شووسونو ایزلییرلر - ویدئو

پرزیدنت خانکندیده... - فوتو

ایرانین هوا ساحه‌سی باغلاندی - سبب

آزال طیاره‌سی ایله باغلی روسیادان گؤزلنتی… - آذربایجان

قیریجیلاریمیز تورکیه سماسین‌دا - فوتو

میرزیایئو آذربایجان‌دا سفرده‌دیر

تاریخ‌ده ایلک: باکی و ایروان عینی واختدا کرملینه قارشی...

شاهین شیخلینسکی ۲۴ ایل اؤنجه‌کی قتله گؤره دیندیریلدی

خبر خطّی
Axar.az'da reklam Bağla
Reklam
Bize yazin Bağla