مسکو باکی ایله ایروان آراسیندا دانیشیقلار پروسه‌سینده «وجدان‌لی بروکئر» رولوندان هئچ واخت امتناء ائتمه‌ییب.

Axar.az خبر وئریر کی، بونو روسییانین ائرمنیستان‌داکی سفیری سئرگئی کوپیرکین بیلدیریب.

اونون سؤزلرینه گؤره، روسییا لیدرینین ائرمنیستان و آذربایجان رهبرلیگی ایله سون تماسلاری موسکوون صلح پروسه‌سینه صادقلیینی تصدیقله‌ییر:

«روسییا، آذربایجان و ائرمنیستان باش ناظرلری‌ معاونلری‌نین باشچیلیق ائتدییی اوچ‌طرف‌لی ایشچی قروپونون تام ترکیبده ایشی ممکن قدر تئز برپا ائدیلمه‌لی‌دیر».

سفیر ائرمنیستانین "کا.ت.ام.تی"-ده (سازمان پیمان امنیت جمعی) تام اشتراکینین بو اؤلکه‌نین ماراقلارینا جاواب وئردیینی دئییب:

«۲۰۲۲-جی ایلین سنتیابریندا ایروان آذربایجان‌لا سرحدده وضعیتی ثابتلشدیرمک اوچون "کا.ت.ام.تی"-ده واسطه‌سیله بیر سیرا تدبیرلر حیاتا کئچیرمه‌یه راضیلاشسای‌دی، بیر چوخ ریسک‌لر آزالدیلا بیلردی. سرحدده یئرلشن آ.ب-نین(آوروپا بیرلییی) ائرمنیستان‌داکی میسسییاسی(مأموریتی) اؤلکه‌نی قورومور، کشفیات معلوماتلاری توپلاییر».