ارمنستان آذربایجانا نوبتی دفعه گذشته گئتمه‌یه حاضرلاشیر. بو دفعه مهری‌دن یول وئریله‌جک.

Axar.az Publika.az-آ استنادلا خبر وئریر کی، بو باره‌ده ارمنی شرح‌چی مسروپ آراکلیان دئییب.

ارمنی شرحچی بیلدیریب کی، رسمی ایروان مهری‌دن کئچن یولا اؤزل شرکتین نظارتیندن بحث ائدیر:

«اصلینده بو، آذربایجانا ناخچیوانا چیخیش اوچون مانعه‌سیز کئچیدین وئریلجیینین رسمی شکیلده بیان ائدیلمه‌سی دئمکدیر. بونون مقابیلینده ارمنستان هئچ نه الده ائتمیر. ارمنستان آذربایجانا یول وئره‌جک، عوضین‌ده هئچ نه آلمایاجاق».

مسروپ آراکلیان قید ائدیب کی، ارمنستان ۱۰ نیابر راضیلاشماسیندا گؤتوردویو عهده‌لییی یئرینه یئتیریر:

«بو، نخچیوانلا باغلی عهده‌لیکدیر و ارمنستان آذربایجانا مختار رسپوبلیکایا چیخیش اوچون یول وئرجیی عهده‌لیینی گؤتوروب. ایندی ده آردیجیل شکیلده بونو اجرا ائدیر».