پاشینیان ۲۰۲۶-جی ایل سئچکیلرینه حاضرلاشیر. خاریجی اویون‌چولار – آوروپا، روسییا و تورکییه رازیلیغا گلیب کی، ۲۰۲۶-جی ایله قدر پاشینیان حاکمیت‌ده اولاجاق. بو اویون‌چولارین هئچ بیری پاشینیانین علیه‌ینه اولاجاق آددیم آتمایاجاق، مخالفته دستک وئرمه‌یه‌جک. بونا گؤره ده پاشینیان ۲۰۲۶-جی ایله قدر صلح سازیشینی امضالاماق و جمعیته صلح گتیردیینی گؤسترمک ایستییر.

Axar.az Publika.az-آ استناداً خبر وئریر کی، بو باره‌ده ارمنی اکسپرت آرمین آدیبکیان دئییب.

اونون سؤزلرینه گؤره، پاشینیان حاکمیت‌ده قالماق اوچون علیئوین دئدیکلرینی تکرارلاییر.

«علیئو دئییر کی، بیزه واسطه‌چی لازیم دئییل، پاشینیان بونو تصدیق ائدیر. علیئو دئییر کی، گؤیچه‌نی قایتار، پاشینیان بیر آزدان بونو دیله گتیره‌جک. آرتیق واردنیس (باسارکئچر) اهالی‌سینی سایماغا باشلاییبلار، بو او دئمکدیر کی، همین اراضیلری آذربایجانا قایتاراجاقلار، اوراداکی اهالینی چیخاراجاقلار. تیگراناشن (کرکی) آرتیق قایتاریلماق اوچون حاضردیر. زنگزور دهلیزی ده حاضردیر. دهلیزله باغلی اساس مسئله‌لر راضیلاشدیریلیب، ایندی اورادا کیمین دایاناجاغی مذاکیره ائدیلیر»، - او ادعا ائدیب.