ایرانین اسرائیله راکت هجوموندان سونرا آوتوموبیللرین یاناجاق دولدورما منطقه‌لرینه آخینی باشلاییب و منطقه‌لرین فعالیتی افلیج اولوب.

Axar.az خبر وئریر کی، بو باره‌ده یئرلی مدیا فعاللاری و سوروجولر پایلاشیملار ائدیبلر.

بیلدیریلیب کی، اسرائیلین جواب ضربه‌سینین اساس هدفلریندن بیرینین تهران اولاجاغی احتمال ائدیلدیی اوچون، تهران‌لیلار یاناجاق دولدوروب و شهری ترک ائتمه‌یه چالیشیرلار.

بعضی یاناجاق دولدورما مرکزلرینین قارشی‌سیندا نوبه‌یه دوران آوتوموبیللرین سایینین میندن چوخ اولدوغو بیلدیریلیر.

پایلاشیلان معلومات و ویدئولاردا اوخشار وضعیتین کرمانشاه و اصفهان‌دا دا یاشاندیغی عکس اولونوب.

خاطیرلاداق کی، ایران اؤز اراضی‌سیندن اسرائیله کوتلوی راکت ضربه‌لری ائندیریب. اسرائیل بونو جوابسیز قویمایاجاغینی اعلان ائدیب.

***

۲۲:۱۱

اصفهان و کرمانشاه شهرلرینده حربی بازا و اهمیتلی دولت اوبیکتلرینه یاخین اراضیلرده یاشایان وطنداشلار ائولئرینی ترک ائدیرلر.

Axar.az خبر وئریر کی، بو باره‌ده یئرلی سوسیال مدیا استفاده‌چیلری معلومات یاییبلار.

بیلدیریلیر کی، همین شهرلرده یئرلشه‌ن حربی بازارلاردان اسرائیله راکت هجوملاری ائدیلیب.

"ساکنلر اسرائیلین جواب هجوملاریندان قورخدوقلاری اوچون داها تهلوکه‌سیز بؤلگه‌لره گئتمه‌یه چالیشیرلار"،- معلوماتلاردا دئییلیر.

قید اولونور کی، حکومت مأمورلارینین ساکنلرین ائولرینی ترک ائتمه‌لرینه مانع اولدوقلاری اوچون بعضی یئرلرده قارشیدورمالار یارانیب.