اسرائیل ایرانا مطلق هجوم ائد‌ه‌جک. لاکین بونون یاخین گونلرده اولاجاغینی دوشونموه‌م. چونکی اسرایئل کشفیات معلوماتلاری اساسین‌دا ایش گؤرور. کشفیاتین قرارین‌دان آسیلی اولاراق هجوما کئچه‌جک. ایران داخلینده ده خالقی هجملا باغلی حاضرلاییبلار. یعنی ایران دا اسرائیلین هجومونو گؤزله‌ییر.

بو سؤزلری Axar.az-آ سپاه-ین آذربایجان‌لی ائکس-پولکوونیکی علی رضایی اسرائیلین ایرانین هانسی هدفلرینی ووراجاغی ایله باغلی احتماللاردان دانیشارکن دئییب.

اونون سؤزلرینه گؤره، هر شئی اسرائیلین مقصدین‌دن آسیلی‌دیر:

«ساده‌جه، تهرانا جاواب خاطرینه هوجوم ائدرسه، ایرانین ایتکیلری چوخ اولمایاجاق. یوخ، اگر، نیتی جدی اولسا، اؤلکه‌ده رژیم دَییشیکلیینه ده سبب اولا بیلر.
اسرائیلین ووراجاقلاری هدفلرینی تخمین ائتمک اولار. مریکا نووه اوبیئکتلرینین وورولماسینی ایسته‌میر. اسرا ئیل ده اسلام اؤلکه‌سینه بؤیوک زیان وورماق ایسته‌سه، چالیشاجاق کی، ووردوغو هدفلر اوزون مدت‌لی پروبلئم‌لره گتیریب چیخارسین. اساس هدف ایرانین اینفراستروکتورودور(آلت یاپیلاری- زیرساخت لاری). مقصد ایسه ایران داخلینده رژیمه قارشی خالق اعتراضلارینی باشلاتماق‌دیر. مثلاً، الکتریک ایستانسییالاری(نیروگاه‌لار) هدف‌ده اولا بیلر. یاناجاق دولدوراما منطقه‌لری وورولاجاق کی، بنزین قیت‌لیغی یاران‌سین و ماشینلارین حرکتین‌ده پروبلئم اولسون. بو دا خالقین گله‌جک گونلرده اعتراضینا سبب اولا بیله‌جک آددیملاردیر. پهلویلری ده حاکمیته حاضیرلاییرلار و رژیمی دئویریب، اونلاری حاکمیت باشینا کئچیرمک ایسته‌یی ممکن‌دور».

پولکوونیک(سرهنگ) بیلدیریب کی، دونیا اؤلکه‌لری بو مناقشه‌نین آلوولانماسینی ایسته‌میر:

«چونکی اسرائیلین جاواب ضربه‌سینه گرک ایران یئنه جاواب وئرسین و بو داوام‌لی اولا بیلمز. هم ده احتیاط ائدیرلر کی، ایران اطرافین‌داکی اؤلکه‌لره هجوم ائد‌ه‌جک. اودور کی، اسرائیل آمریکانین مصلحتی ایله جدی مناقشه‌یه گتیریب چیخاران هدفلری وورمایاجاق».