ایده‌آل هاوا هجوموندان مدافعه سیستمی یوخدور. اسرائیل دمیر قوبه و یا «هتز۳» کیمی سون درجه‌ده معاصر هوا هجوموندان مدافعه سیستملرینین یارادیلماسیندا اوغور قازانیب، بونونلا بئله، رلیئفه اویغون، آشاغی هوندورلوکده اوچان، ضعیف گؤرونن درونلار معین شرایط‌ده اسرائیلین هاوا هجومون‌دان مدافعه سیستمینده بوشلوقلار تاپیب ضربه‌لر ائندیرمه‌یه قادیردیر. حساب ائدیره‌م کی، اسرائیل محض بونا گؤره بیر نئچه ضربه‌نی قاچیریب.

بو سؤزلری Axar.az-آ حربی اکسپرت، خزر استراتژی تدقیقاتلار اینستیتوتونون (روسییا) باش دیرکتورو ایگور کوروتچنکو دئییب.

اکسپرتین سؤزلرینه گؤره، بینیامین‌ده‌کی اسرائیل حربی بازاسینا حزبوللاهین «مرصاد-۱» پوا-لاری ایله اوغورلو هجومو هوا هجوموندان مدافعه سیستمین‌دکی معین بوشلوقلارین نتیجه‌سی‌دیر:

«هجوم و مدافعه واسطه‌لری آراسیندا همیشه بیر یاریشما وار. بونا گؤره ده ایران و اونون رگیونداکی پروکسیلری سون درجه آشاغی هوندورلوکلرده اوچان، رادارلا آشکارلانماسی چتین و یا عمومیتله آشکار ائدیلمه‌یه‌ن کامیکادزه پیلوتسوز اوچوش آپاراتلاری استحصالینی تکمیللشدیریر».

اکسپرتین سؤزلرینه گؤره، بو عادی درونلاردیر و هر هان‌سی بیلمدییمیز، قاباقجیل، ان سون تکنولوژی آوادانلیقلارلا تجهیز اولونماییب:

«قید ائتمک لازیمدیر کی، مختلف نوع درونلارین حاضرلانماسی تکنولوگییالاری واحیددیر و کونکرت بیر اؤلکه‌یه باغلی دئییل. یعنی پرینسیپجه، بونلار کفایت قدر ساده تکنولوژی قورغولاردیر کی، مدافعه کومپلکسی اولان ایسته‌نیله‌ن انکشاف ائتمیش اؤلکه بئله قورغولاری تکمیل‌لشدیریب کوتلوی استحصال ائده بیلر. اونا گؤره ده بورادا خصوصی «نوو-هاو» یوخدور. بیر داها وورغولاییرام کی، حدین‌دن آرتیق آلچاق هوندورلوکده اوچان و هدفلره گئجه هجوم ائد‌ن پیلوتسوز اوچوش آپاراتینی ایزله‌مک کیفایت قدر چتین‌دیر، عینی زمان‌دا، گئنیش‌مقیاس‌لی هجوم زمانی هوا هجوموندان مدافعه سیستملری بوتون هدفلری وورماقدا اوغورلو اولمایا بیلر».

قید ائدک کی، ۱۳ اوکتیابردا حزبوللاه حایفانین جنوبون‌داکی بینیامین حربی بازاسینا درونلا ضربه ائندیریب. نتیجه‌ده اسرائیلین ۴ حربچی‌سی اؤلوب، ۶۷ عسگری یارالانیب.

پوا-نین رادارلار طرفیندن گؤرونمه‌مه‌سی و هوا هیجانینین ایشه دوشمه‌مه‌سی ایسه سواللار یارادیب.