آوروپا بیرلیینین سیاسی لیدری رولونو اوینایان و دونیانین ان دموکارتیک اؤلکه‌لری سیراسیندا آدی چکیله‌ن، «دموکراتییا اخراج ائد‌ن» دولت ایستاتوسلو فرانسادا باش وئرن دهشتلی سویقیریملا باغلی تاریخ‌چی عالیم زائور علیئو فوتولار پایلاشیب.

Axar.az خبر وئریر کی، حادثه‌نین ۶۳-جو ایلدؤنومو عرفه‌سین‌ده عالیم فوتوفاکتلاری بو تقدیماتلا پایلاشیب:

«۱۹۶۱-جی ایل ۱۷ اوکتیابر. فرانسا پلیسی الجزایرده‌کی محاربه‌یه اعتراض ائد‌ن ۳۰ مین مسلمانین کوتلوی اعتراض آکسییاسینی داغیتماغا ۷ مین پلیس و ۱۴۰۰ عسگرینی جلب ائدیر و کوتلوی قیرغینلار باشلاییر.

اؤلدوروله‌نلرین سایینی تخمین ائتمک اولمور. فرانسا پولیسی دؤیوله‌رک هوشونو ایتیره‌ن اعتراضچیلاری اؤلموش آدی ایله سنا چایینا آتمیشدیر. بونا گؤره یوزلرله اینسان ایتکین کیمی قیدیاتا آلینیب. ۱۱ مین نماییش‌چی حبس ائدیلیر و آغیر ایشگه‌نجه‌لره معروض قالیرلار.

تاریخ‌ده «پاریس قیرغینی» کیمی قالان بو حادثه‌نی فرانسا رسمیلری گیزلتمه‌یه جهد ائدیرلر».