تهرانین اوکرایناداکی مناقیشه‌ده استفاده ائتمک اوچون روسیایا پیلوتسوز طیاره‌لر و بالستیک راکتلر گؤندرمه‌سی ایرانین چوخدان گؤزلدیی قاباقجیل گمی علیهینه راکتلر، هوا هجومون‌دان مدافعه سیستملری و سو-۳۵ قیریجیلاری دا داخل اولماقلا، داها تکمیل سلاحلار ادخال ائدجیی باره‌ده ادعالار اورتایا چیخاریب. ایران همچینین راکتلر، اسرائیل هوا قوه‌لری و دیگر تهدیدلره قارشی مباریزه آپارماق اوچون اس-۴۰۰ هوا هجوموندان مدافعه سیستملری آلاجاغینی گؤزلییر. راضیلاشما حیاتا کئچرسه، ایرانین و اونون متفیقلرینین بؤلگه‌ده‌کی حربی قدرتی خیلی گوجلنه‌جک.

Axar.az خبر وئریر کی، بو باره‌ده «آورونیوز» معلومات یاییب.

بریتانییانین کرال بیرلشمیش خدمتلر اینستیتوتونون باش علمی ایشچی‌سی جاستین برونک بیان ائدیب کی، هوا اکیپاژی و تکنیکی پرسونالین حاضرلانماسی، ائلجه ده لازیمی اینفراستروکتور و یئر اوستو دستک آوادانلیغینین یارادیلماسی ضرورتی ایله علاقه‌دار ایرانا خیلی سایدا سو-۳۵ طیاره‌لری چاتدیریلاجاق.

«ایران مئدیاسی روسییانین تهرانا ان آزی بیر سو-۳۵ دؤیوش طیاره‌سی و غیری-معین سایدا اس-۴۰۰ هوا هجوموندان مدافعه سیستملری وئرمه‌سی ایله باغلی ادعا درج ائتمیشدی. لاکین بو معلومات هله ده تصدیقله‌نمه‌ییب. ایران پارلامنتینین ملی تهلوکه‌سیزلیک و خاریجی سیاست کمیسییاسینین کئچمیش عضوو شهریار حیدری قید ائدیب کی، تهرانین روسییایا سفاریش ائتدیی سلاحلار گلن ایلین اولینده چاتدیریلمالیدیر. بعضی ایران مطبوعاتینین سو-۳۵ قیریجیلارینین تحویل وئریلمه‌سی ایله باغلی اولکی خبرلری و ویرتوال شبکه‌لرده روسیایا مخصوص سو-۳۵ قیریجی‌سینین تهران و مهرآباد سمالاریندا اوچوشونو عکس ائتدیره‌ن ویدئولارین یالان اولدوغو اوزه چیخیب. بو یاخینلاردا ایران آپرلین سونون‌دا سو-۳۵-ین تحویل وئریلمه‌سی ایله باغلی خبرلری رسماً تکزیب ائتدی. طبیعی کی، ایرانین بو قاباقجیل دؤردونجو نسیل طیاره‌لرینی تئزلیکله آلا بیلمه‌سینین بیر چوخ سببی وار. سو-۳۵ قیریجیلارینین آلینماسی ایرانا انقلاب‌دان اولکی دورده یئنی‌لنه‌ن آمریکا و سووت قیریجیلاریندان عبارت هوا قوه‌لرینی قیسماً مدرنلشدیرمه‌یه و بونونلا دا اونون هوا هجومون‌دان مدافعه امکانلارینی آرتیرماغا امکان وئره‌جک. لاکین بو مدرنلشمه چتین کی، تهرانین رگیون‌داکی گوج بالانسینی دییشسین، چونکی کؤرفز عرب کرال‌لیقلاریندا داها تکمیل حربی طیاره‌لر وار».

بیلدیریلیر کی، بو قیریجیلارین آلینماسی ۲۰۲۱-جی ایلین مارت آییندان، ایران دولت مئدیاسینین اونلارین آلینماسی ایله باغلی مقاویله‌نین تماملاندیغینی بیلدیردیی واختدان مباحثه موضوع‌سو اولوب:

«پروگنوزلارا گؤره، تهران ایلکین اولاراق مصر اوچون نظرده توتولان ان آزی ۲۴ قیریجی آلاجاق. آمریکا و یاخین شرق کشفیات رسمیلری آپرل آیین‌دا سو-۳۵-این چاتدیریلماسینا دایر هئچ بیر آچیق ثبوتون اولمادیغینی و ممکن گئجیکمه‌لرین ایرانین اؤد‌مه پروسسی ایله باغلی اولدوغونو بیلدیریبلر».

یاخین شرق اینستیتوتونون امکداشی آنتون مورداسوو سو-۳۵-ین چاتدیریلما مدتینین چوخ گومان کی، تکنیکی حاضرلیقدان و بیر سیرا دیگر عامللردن آسیلی اولاجاغینی دئییب.

معلوماتا گؤره، ایسرایلین تئهران‌دا هانییه‌نی اؤلدورمه‌سین‌دن سونرا بؤلگه‌ده گرگینلیین آرتماسینا باخمایاراق، روسییا ایرانا هاوا هوجومون‌دان مدافعه سیستئملری وئرمه‌یه باشلاییب:

«آوادانلیغین نوعو قید ائدیلمه‌سه ده، ایران اوزون مدتدیر کی، اس-۴۰۰ سیستمی آختاریردی. سپاه-ین کوماندیری محمد علی جعفری آپرلین ۲۵-ده ایرانین اسرائیله پوا و راکت هجوموندان سونرا اصفهان هوا بازاسینین اسرائیلین راکت هجومونون هدفی اولدوغونو دئییب. هجوملاردا اسرائیل ایرانین اس-۳۰۰ سیستملریندن بیرینین، ایرانین روسییادان آلدیغی ان تکمیل هوا هجوموندان مدافعه سیستمی و کهنه نسل اس-۴۰۰-اون رادارینی هدفه آلیب».

مورداسوو حساب ائدیر کی، مسکوا اوکراینا محاربه‌سینده اؤزونون مدافعه احتیاجلارینا گؤره چتین کی، اس-۴۰۰-لری ایرانا اؤتورسون:

«روسییا اس-۴۰۰ راکئت‌دن مدافعه سیستمینی تداروک ائتمک قرارینا گلسه بئله، اکیپاژین حاضرلانماسی و استثمارا وئریلمه‌سی ان آزی بئش آی چکه‌جک. دیگر طرفدن، باشقا معلوماتلارا گؤره، روسیا یمن‌ده‌کی حوثیلره «پ-۸۰۰ اونیکس» گمی علیهینه قانادلی راکتلرین تداروکو ایله باغلی دانیشیقلار آپاریر. «اونیکس» راکتی ۳۰۰ کیلومتر تاثیرائدیجی اوچوش مسافه‌سینه مالیک‌دیر».

روسییا پرزیدنتی پوتین اوللر اؤلکه‌سینین معین شرطلر داخیلینده غربین دوشمنلرینی سلاحلاندیرا بیلجیینی دئسه ده، مورداسوو قید ائدیب کی، مسکوا ایله حوثیلر آراسیندا آپاریلان دانیشیقلار داها چوخ روسیا کشفیات اورگانلارینین پوتینین آمریکانین دوشمنلرینی سلاحلاندیرماق احتمالی ایله باغلی ادعالارینی گوجلندیرمک مقصدی داشییان استراتژی آچیقلاماسی اولوب.

روسییالی آنالیتیک هر هانسی بیرباشا تداروکلره شبهه ایله یاناشیر و قید ائدیر کی، حوثیلره راکت تداروکو چین نفت تانکرلرینی ریسکه آتا بیلر:

«معلوم اولدوغو کیمی، داها اول حوثیلرین راکتی پاناما بایراغی آلتیندا چینه مخصوص «مو هوانگ پو» نفت تانکرینی وورموشدو. بو جور راکتلرین تداروکو حاضرکی سانکسییا شرایطینده مسکوانین مهم طرفداشی اولان عرب اؤلکه‌لرینه جدی زیان ووراجاق».

بونونلا بئله، سناریلردن بیری ده بو راکتلرین تصادفاً سورییا واسطه‌سیله حوثیلرین علینه کئچمه‌سی اولا بیلر، خصوصاً ده آمریکا و متفیقلری اوکراینایا کرئمله قارشی غرب استحصالی اولان آتاجمس راکتلرین‌دن استفاده ائتمه‌یه اجازه وئررسه.