اسرائیلین آذربایجانین اراضی بوتؤولویو، او جمله‌دن قاراباغلا باغلی موقعی ۲۰۲۰-جی ایلدکی محاربه‌دن اول نئجه ایدیسه، اوندان سونرا دا ائله‌دیر.

Axar.az خبر وئریر کی، بونو اسرائیلین آذربایجان‌داکی سفیری جورج دیک دئییب.

او قید ائدیب کی، اسرائیل بونونلا باغلی موقعینی هر زمان چوخ آچیق سسلندیره‌ن اؤلکه‌لردن بیری اولوب:

«اینانیریق کی، بو جور دوستلوق و دوروستلوک چتین آنلاردا سینانیر و بیز همیشه، ان چتین آنلاردا بیر-بیریمیزین یانیندا اولموشوق. بیز آذربایجانی قاراباغی تام شکیل‌ده آزاد ائتدیینه گؤره تبریک ائدیریک. دئیه بیلره‌م کی، قاراباغین و شرقی زنگزورون هر بیر بؤلگه‌سینده اولموشام. بو، منیم همیشه خوش خاطیرلایاجاغیم بیر شئی‌دیر. هم ده تأسفله بیلدیرمه‌لییه‌م کی، اورادا خارابالیقلارین و داغینتیلارین سوییه‌سینه شاهید اولدوق.

اسرائیل همیشه دئییب، ائله ایندی ده تکرار ائدیره‌م: اؤلکه‌م آزاد ائدیلمیش اراضیلرین برپاسی، رئابیلیتاسییا، سوسیال و یا اقتصادی لاییحه‌لر باخیمیندان آذربایجانلا امکداشلیغا همیشه حاضردیر. مثلاً، زنگیلانین آغالی کندینده کند تصروفاتی ساحه‌سینده امکداش‌لیق ائتدیک کی، اورا قایی‌دان اینسانلاری تکجه محصوللا دئییل، هم ده ایشله تعمین ائدک. بیلیرم کی، اسرائیل شیرکتلری آغدام‌دا، زنگیلاندا و باشقا یئرلرده مختلف ساحه‌لر اوزره مختلف لاییحه‌لرده اشتراک ائدیر».