آذربایجان رسپوبلیکاسی مدافعه ناظیرلیینین نماینده هیئتی "آذربایجان رسپوبلیکاسی مدافعه ناظیرلیی و ایران اسلام رسپوبلیکاسی سلاح‌لی قوه‌لرینین باش قرارگاهی آراسیندا حربی و حربی-تکنیکی امکداشلیغا دایر بیرگه کمیسیا"نین اجلاسین‌دا اشتراک ائتمک اوچون تهران شهرینه سفر ائدیب.

Axar.az خبر وئریر کی، بو باره‌ده مدافعه ناظیرلیی معلومات یاییب.

سفر چرچیوه‌سینده آذربایجان نماینده هیئتینین رهبری حربی-تکنیکی تجهیزات باش اداره‌سینین رئیسی وظیفه‌سینی اجرا ائد‌ن گنرال-مایور فرید علیئو ایران اسلام رسپوبلیکاسی سلاح‌لی قوه‌لرینین باش قرارگاه رئیسینین بیرینجی معاونی گنرال-مایور محمدرضا آشتیانی ایله گؤروشوب.

گؤروشده هر ایکی اؤلکه آراسین‌دا حربی امکداشلیغین جاری وضعیتی و انکشاف پرسپکتیولرینه دایر اطرافلی فکر مبادله‌سی آپاریلیب، همچنین قارشی‌لیقلی ماراق دوغوران دیگر مسئله‌لر مذاکره ائدیلیب.

داها سونرا بیرگه کمیسیانین اجلاسین‌دا آذربایجان و ایرانین حربی ایستروکتورلاری آراسین‌دا حربی ساحه‌ده امکداشلیغین انکشافی، یئنی فعالیت استقامتلری و ساحه‌لرینین معین ائدیلمه‌سی اوزره گئنیش مذاکره‌لر آپاریلیب.

یکون‌دا راضیلیق الده ائدیلمیش امکداشلیق استقامتلری اوزره مادده‌لری اؤزونده عکس ائتدیرن پروتوکول امضالانیب.