ناتو ایله فردی طرفداشلیق اوزره امکداشلیق پروگرامینا اساساً کئچیریله‌ن "۱۵-جی ناتو گونلری" تدبیری چرچیوه‌سینده آذربایجان رسپوبلیکاسینین مدافعه ناظیرینین معاونی - باش دیرکتور جناب عاقیل قوربانوو اؤلکه‌میزده سفرده اولان متفقلرین آوروپاداکی عالی کوماندانلیغی قرارگاه رئیسینین معاونی - طرفداشلیق اداره‌سینین رئیسی کونتر-آدمیرال برواسدال گونستینین رهبرلیک ائتدیی نماینده هیئتی ایله گؤروشوب.

بو باره‌ده Axar.az-آ مدافعه ناظیرلییندن معلومات وئریلیب.

بیلدیریلیب کی، گؤروشده هر ایکی طرف آراسینداکی مناسبتلرین جاری وضعیتی یوکسک قیمتلندیریلیب و قورولان علاقه‌لرین بوندان سونرا دا انکشافی اوچون پرسپکتیوده دوران مسئله‌لر اطرافیندا فکر مبادله‌سی آپاریلیب. همچنین ناتو-نون عملیات امکانلاری کونسپسییاسی و دیگر پروگراملاریندا اشتراک ائد‌ن حربی قوللوقچولاریمیزین فعالیتی یوکسک قیمتلندیریلیب. بوندان سونرا دا مختلف تعلیم و کورسلاردا اشتراک ائد‌جک حربی قوللوقچولار آراسیندا تجربه مبادله‌سینین و اؤزونو تکمیللشدیرمه‌نین واجبلیی خصوصی وورغولانیب.

طرفلر آراسیندا کئچیریله‌ن گؤروش اسناسیندا مناسبتلرین انکشاف پرسپکتیولری مذاکره ائدیلیب، قارشی‌لیقلی ماراق دوغوران سواللار جوابلاندیریلیب.