تهران‌داکی قوناق ائوینده هوالاندیرمانین خاراب اولماسی آز قالا اسرائیلین حماس لیدری اسماعیل حنیه‌یه سوءقصد پلانینی پوزاجاقمیش.

Axar.az خبر وئریر کی، بو باره‌ده «تایمز اوف اسرائیل» سایتی معلومات یاییب.

سایتین معلوماتینا گؤره، حنیه‌نی آرادان گؤتورمک قراری اسرائیل طرفیندن ۲۰۲۳-جو ایل ۷ اوکتیابر حادثه‌سیندن درحال سونرا وئریلیب. اساس مسئله ساده‌جه نه واخت اولاجاغی ایدی.

قید اولونوب کی، حنیه‌نین هارادا اؤلدورولمه‌سی واریانتلاری آراسیندا اونون گئتدیی اوچ یئر - تورکیه، مسکوا و تهران وار ایمیش.

لاکن اسرائیل تورکیه پرزیدنتی رجب طیب اردوغانین رئاکسییاسیندان قورخدوغو و عینی شکلده روسیا پرزیدنتی ولادیمیر پوتینی غضبله‌ندیرمک ایستمدیی اوچون ان اویغون واریانت اولاراق ایرانی سئچیب.

حنیه‌نین تهرانین شمالین‌داکی یئرلشه‌ن سپاه-این قوناق ائوینده دفعه‌لرله قالماسی عملیاتی پلانلاشدیرماغی آسانلاشدیریب.

ایلکین پلان حنیه‌نی هلیکوپتر قضاسین‌دا هلاک اولان کئچمیش ایران پرزیدنتی ابراهیم رئیسینین دفن مراسمی زمان اؤلدورمک اولسا دا، ملکی شخصلرین ده اؤلومونه سبب اولا بیلجیی ناراحاتلیغی ایله بوندان امتنا ائدیلیب. اسرائیل عملیاتی حنیه‌نین یئنی ایران پرزیدنتی مسعود پزشکیانین آندایچمه مراسمینده حیاتا کئچیرمیی قرارا آلیب.

آگنتلر حنیه‌نین یاتاق اوتاغیندا پارتلاییجی قورغو قوراشدیریرلار. لاکن پلانلاشدیریلمیش پارتلاییشدان قیسا مدت اول حنیه‌نین اوتاغینداکی کاندیسانر(هوالاندیرما) خراب اولور و او، کمک ایسته‌مک اوچون اوتاغینی ترک ائدیر. اونون اوزون مدت اوتاغا قاییتمادیغینی گؤرن آگنتلر حنیه‌نین باشقا بیر اوتاغا کئچدییندن ناراحات اولورلار، چونکی بو، بوتون عملیاتین محو اولماسی دئمک اولاردی.

بیر مدت سونرا کاندسانر تعمیر ائدیلیر و حنیه اوتاغینا قاییدیر. تخمیناً گئجه ساعت ۰۱:۳۰-دا پارتلاییجی قورغو ایشه سالینیر. پارتلاییش حنیه‌نین قالدیغی اوتاغین دیواریندا بؤیوک دئشیک آچیر.

گلن تعجیلی طبی یاردیم هیئتی حنیه‌نین اؤلدویونو تصدیقلییر.

قتلدن سونرا سپاه-این قدس قانادینین کوماندیری اسماعیل قاآنی ایرانین دینی لیدری علی خامنه‌اییه زنگ ائد‌رک، حنیه‌نین اسرائیلین راکت هجومو نتیجه‌سینده اؤلدورولدویونو خبر وئریر. خامنه‌ای درحال اسرائیلله قارشیلیق وئرمک امرینی وئریر.

لاکن قوناق ائوی یوخلانیلان زمان حنیه‌نین اؤلومونون راکتله هئچ بیر علاقه‌سی اولمادیغی آیدین اولور.

آنالیتیکلر سوءقصد عملیاتینین مرکبلیینی نظره آلاراق بونون تکجه اسرائیل آگنتلری طرفیندن حیاتا کئچیریلمه‌سینین ممکون اولمادیغینی، بو عملیاتدا ایران وطنداشلاری، سپاه عضولری و یا حماس رسمی شخصلرینین اشتراک ائده بیلجیینی بیلدیریرلر.

بونا گؤره جواب عملیاتی تاخیره سالینیر، یالنیز ایکی آی سونرا، اوکتیابرین ۱-ده ایران اسرائیله قارشی راکت هجومو حیاتا کئچیریر.

قید ائدک کی، حماس-این کئچمیش لیدری اسماعیل حنیه ایولون ۳۱-ده تهران‌دا قالدیغی قوناق ائوینده باش وئرن پارتلاییش نتیجه‌سینده اؤلدورولوب.