بیز اؤز طلبلریمیزی آچیق شکلده روسیا طرفینه بیلدیرمیشیک.

Axar.az خبر وئریر کی، بونو پرزیدنت ایلهام علیئو دکابرین ۲۹-دا حیدر علیئو بین‌الخالق هوالیمانیندا آذربایجان تلویزییاسینا مصاحبه‌سینده دئییب.

دؤولت باش‌چی‌سی آذربایجانین روسییا طرفینه بیل‌دیریله‌ن طلبلرینین بئینلخاقل تجروبه‌یه و نورمال اینسانی داورانیشا اساسلاندیغینی قئید ائدیب:

"بیز اؤز طلبلریمیزی آچیق شکلده روسیا طرفینه بیلدیرمیشیک. دکابرین ۲۷-ده آرتیق بو طلبلر رسمی قایدادا اونلارا چاتدیریلدی. بو، ندن عبارتدیر؟ بیرینجی‌سی، روسیا طرفی آذربایجاندان عذر ایسته‌مه‌لیدیر. ایکینجی‌سی، اؤز گناهینی اعتراف ائتمه‌لیدیر.

اوچونجوسو، گناهکارلاری جزالاندیرمالیدیر، جنایت مسئولیتینه جلب ائتمه‌لیدیر و آذربایجان دولتینه و ضررچکه‌ن سرنشین و اکیپاژ عضولرینه تضمینات اؤد‌مه‌لیدیر.

بو، بیزیم شرطلریمیزدیر. اونلاردان بیرینجی‌سی آرتیق دونه‌ن تامین ائدیلدی. من امید ائدیرم کی، دیگر شرطلریمیز ده قبول ائدیله‌جک. بوتون بو شرطلر عدالتلیدیر. بورادا هر هانسی بیر فوق‌العاده طلب، یاخود دا کی، مسئله یوخ‌دور و بو، بین‌الخالق تجربه‌یه و نرمال انسانی داورانیشا اساسلانیر.

باخ، بودور. یئنه ده دئییرم، آذربایجان اجتماعیتی مسئله‌نین بوتون طرفلری باره‌ده معلوماتلاندیریلاجاق و معلوماتلاندیریلیر. دئدییم شرطلر ده، بونلار طبیعی اولاراق اجتماعیته سیزین واسطه‌نیزله چاتدیریلیر و یئنه ده دئییرم، من امید ائدیرم کی، بیزیم شرطلریمیز قبول ائدیله‌جک".