آمریکا پرزیدنتی دونالد ترامپین ایرانا قارشی ماکزیموم تضییقین برپاسی حاقین‌دا فرمانی بیر مساژ کیمی قبول ائدیله بیلر. ترامپ پرزیدنت سئچیلمه‌میشدن اؤنجه ده ایرانا قارشی تضییقلری آرتیراجاغینی وعد ائتمیشدی و ایندی بو وعدلری یئرینه یئتیرمه‌یه چالیشیر.

بو سؤزلری Axar.az-ا پولیتولوگ الخان شاهین اوغلو آمریکا پرزیدنتینین ایرانلا باغلی فرمانینی شرح ائدرکه‌ن بیلدیریب.

او قید ائدیب کی، ترامپ آغ ائوه گلدیکدن سونرا یوزلرله قرار امضالاسا دا، بو فرمانلارین هامی‌سینین یئرینه یئتیریله‌جه‌یی دقیق دئییل.

اکسپرتین سؤزلرینه گؤره، آمریکا و اسرائیل ایرانین نووه چالیشمالاریندان جدی ناراحات‌دیر. محض بونا گؤره ترامپ و اسرائیلین باش ناظری بنیامین نتانیاهونون ۴ فورال‌دا باش توتان گؤروشلرینده ایران موضوع‌سو خصوصی دقت مرکزینده اولوب:

«اسرائیل آمریکایا توصیه ائدیر کی، ایرانین هوا مدافعه سیستمی ضعیف اولدوغو بیر واخت‌دا اونون نووه اوبیکتلرینه ضربه‌لر ائندیریلسین. لاکین ترامپ هله کی، بو جور حربی آددیملارین علیهینه‌دیر و محاربه ایستمیر. بونا باخمایاراق، واشینگتنون تهرانا تضییقلری داوام ائد‌جک».

الخان شاهینوغلو علاوه ائدیب کی، ایران نووه چالیشمالاریندان امتنا ائتدیینی یالنیز بیاناتلارلا دئییل، عملی شکیل‌ده ثبوت ائدرسه، ترامپ دانیشیقلارا آچیق اولا بیلر. حتی آمریکا پرزیدنتی ایرانین معتدل اصلاحاتچی کیمی تانینان لیدری مسعود پزشکیانلا گؤروشو ده استثنا ائتمیر:

«بو فرمان رسمی شکیل‌ده تضییقلرین درحال حیاتا کئچیریلمه‌سی آنلامینا گلمیر. ترامپ بونونلا ایرانا مئساژ گؤندریر کی، نووه چالیشمالاریندان ال چکدیکلرینی عملی شکیل‌ده ثبوت ائتسینلر و شرطلری قبول ائتسینلر. عکس حال‌دا، واشینگتن سانکسییالاری داها دا سرتلشدیره بیلر».