روسییا باکی‌داکی روس ائوینین باغلانماسی ایله باغلی ایکی‌طرفلی مناسبتلر سویه‌سین‌ده قرار وئره‌جک.

Axar.az خبر وئریر کی، بونو روسییا پرزیدنتینین مطبوعات کاتیبی دمیتری پسکوو بیلدیریب.

اونون سؤزلرینه گؤره، کرملین باکییا مئساژی بودور کی، بو آددیم آنلاشیلمازلیق حساب ائدیلیر.

دمیتری پسکووون آچیقلاماسی زامانی باکی‌دا روسییانین مدنیت مرکزی اولان روس ائوینین باغلانماسیندان تأسف‌له‌ندیینی قید ائدیب.

«بیز بونا تأسف‌لنیریک. بو مسئله‌نین حلینه ایکیطرفلی علاقه‌لرده یئنی مرحله چرچیوه‌سینده نایل اولماق اولار... بیز بو مسئله‌نی مختلف سویه‌لرده همکارلاریمیز قارشی‌سیندا قالدیراجاغیق. اگر ان یوکسک سوییه‌ده تماسلار اولارسا، او زمان ایکی دولت باشچی‌سینین دیالوگوندا بو مسئله گونده‌مه گله بیلر. بیز مهربان، عنعنه‌وی مناسیبتلریمیزی رهبر توتاراق بو پروبلملری دیالوگ یولو ایله حل ائدجه‌ییک»، - کرملین‌ین باکییا مئساژی اولاراق کرملین سؤزچوسو وورغولاییب.

قید ائدک کی، آذربایجان حکومتی، باکی‌داکی روس ائوینین فعالیتینه ختام وئریلمه‌سی ایله باغلی روسیایا رسمی بیلدیریش گؤندریب. بو قرارین اساس سببی،روس ائوینین آذربایجان قانون‌وئریجیلیینه اویغون اولاراق حقوقی شخص کیمی قیدیات‌دان کئچمه‌مه‌سی‌دیر. آذربایجان خارجی ایشلر ناظرلیینین سؤزچوسو آیخان حاجی‌زاده، فورالین ۳-ده روسیا طرفینه نوتا گؤندریلدیینی تصدیقله‌ییب و قید ائدیب کی، روس ائوینین قیدیات‌سیز فعالیتی اؤلکه‌نین قانونلارینین جدی شکیلده پوزولماسی دئمک‌دیر».