آذربایجان پرزیدنتی ایلهام علیئو ایران اسلام رسپوبلیکاسینین عالی رهبری آیت اللاه سید علی خامنه‌ای‌یه تبریک مکتوبو گؤندریب.

Axar.az مکتوبون متنینی تقدیم ائدیر:

محترم آیت اللاه خامنه‌ای حضرتلری،

ایران اسلام رسپوبلیکاسینین ملی بایرامی – ایلام انقلابینین غلبه‌سی گونو مناسبتی ایله سیزه و سیزین سیمانیزدا بوتون خالقینیزا شخصاً اؤز آدیم‌دان و آذربایجان خالقی آدیندان ان صمیمی تبریکلریمی و خوش آرزولاریمی چاتدیریرام.

آذربایجان رسپوبلیکاسی ایله ایران اسلام رسپوبلیکاسی آراسیندا مناسبتلر عصرلردن بری دوستلوق و مهربان قونشولوق شرایطینده یاشامیش، اورتاق معنوی دیرلری بؤلوشن خالقلاریمیزین اراده‌سین‌دن گوج آلیر. بیز بو تمللر اوزرینده قورولموش دولتلرآراسی مناسبتلریمیزین انکشافینا و امکداشلیغیمیزین گئنیشله‌نمه‌سینه خصوصی اؤنم وئریریک.

حاضردا ایکی‌طرفلی گونده‌لیک‌ده قارشی‌لیقلی ماراق دوغوران بیر سیرا مسئله‌لر یئر آلماق‌دادیر. حساب ائدیره‌م کی، موجود امکانلاردان یارارلاناراق اؤلکه‌لریمیز آراسیندا امکداشلیغین درینلشمه‌سینه نایل اولا بیلریک.

اینانیرام کی، قارشی‌لیقلی حؤرمته و مهریبان قونشولوغا اساس‌لانان آذربایجان-ایران مناسبتلری دولتلریمیزین و خالقلاریمیزین منافعلرینه اویغون انکشاف ائد‌رک بؤلگه‌ده ثابیتلیین و تهلوکسیزلیین محکمله‌نمه‌سینه خدمت ائد‌جک‌دیر.

بئله بیر علامتدار گونده سیزه محکم جانساغلیغی، ایشلرینیزده اوغورلار، دوست و قارداش ایران خالقینا امین-آمانلیق و فراوان‌لیق دیلییرم".