آذربایجان و تورکیه دایم چیین-چیینه بیر-بیرینین یانیندادیر.

Axar.az خبر وئریر کی، بو باره‌ده آذربایجان رسپوبلیکاسینین پرزیدنتی ایلهام علیئوین فورالین ۱۳-ده تورکیه رسپوبلیکاسینین اؤلکه‌میزده یئنی تعیین اولونموش فوق‌العاده و صلاحیتلی سفیری بیرول آکگونون اعتمادنامه‌سینی قبول ائدرکه‌ن قید ائدیلیب.

بیلدیریلیب کی، سوریا مسئله‌سینده ده آذربایجان تورکیه‌نین یانیندا اولدوغونو ایلک گونلردن بیان ائدیب. بو خصوصدا وورغولاندی کی، سوریادا ثابتلیین، تهلوکه‌سیزلیین تامین اولونماسینا و هومانیتار پروبلملرین حلینه آذربایجان دا تورکیه ایله علاقه‌لندیریلمیش شکلده اؤز تحفه‌سینی وئرمه‌یه حاضردیر.

بو گون آذربایجان-تورکیه قارداشلیغینین، دوستلوغونون جنوبی قفقاز رگیونون‌دا، عینی زمان‌دا، اونون حدودلاریندان کناردا ثابتلیین، تهلوکه‌سیزلیین، صلحون و امین-آمانلیغین ضمانتی اولدوغو بیر داها قید ائدیلیب.