ارمنستانلا آذربایجان آراسین‌دا صلح مقاویله‌سینین متنینین و تشببوسونون مؤلفی آذربایجان رسپوبلیکاسی‌دیر. بو، محض آذربایجان طرفیندن ارمنستانا تقدیم اولونوب. آنجاق نظره آلماق لازیمدیر کی، ارمنستانین آذربایجانا قارشی تؤرتدیی انسان‌لیق علیهینه جینایتلر و دیگر عمللر یاددان چیخاجاق فاکتلار دئییل. بوتون بونلار عمومی کونتکستده نظردن کئچیریلمه‌لیدیر.

Axar.az خبر وئریر کی، بو فکرلری ۱۲-جی گلوبال باکی فوروموندا ژورنالیستلره آچیقلاماسیندا آذربایجان رسپوبلیکاسی پرزیدنتینین کمک‌چی‌سی - پرزیدنت آدمینیستراسییاسینین خاریجی سیاست مسئله‌لری شعبه‌سینین مدیری حکمت حاجییئو دئییب.

او قید ائدیب کی، ارمنستانین آذربایجانا قارشی اراضی ادعالاری هله ده داوام ائدیر. «پرزیدنت ایلهام علیئو طرفیندن ده وورغولاندیغی کیمی، ارمنستانین کونستیتوسیاسیندا دییشمه‌لی اولان مقاملار وار. محض بو رگیون‌دا داواملی صلحون بازاسینی و اساسینی تعمین ائتمه‌لیدیر. نظره آلماق لازیم‌دیر کی، دولتلرآراسی مناسبتلرده، مناقشه‌لرین حلین‌ده اؤلکه‌لرین کونستیتوسییاسینین دییشدیریلمه‌سی بیرینجی حال دئییل و بو خصوص‌دا بیر سیرا نمونه‌لر موجوددور»، - دئیه پرزیدنتین کمکچی‌سی وورغولاییب.