بو گون پوتین و ترامپ آراسیندا اوکرایناداکی مناقشه‌نین آتشکس شرطلرینی مذاکره ائد‌جکلری بیر گؤروش باش توتاجاق. بوتون دنیا بو گؤروشو گؤزلییر. دانیشیقلار واشینگتن واختی ایله سحر، مسکوا واختی ایله ایسه آخشام کئچیریله‌جک.

Axar.az خبر وئریر کی، بو باره‌ده روسیالی پولیتولوگ سرگئی مارکوو بیلدیریب.

اونون سؤزلرینه گؤره، طرفلرین مؤقعلری بیر-بیریندن فرقله‌نمه‌سی ایله دقت چکیر:

«اوکراینا رژیمی و آوروپا هئچ بیر شرط اولمادان آتشکس طلب ائدیر. اونلار بونو اوکراینا اوردوسونو سلاحلا تجهیز ائتمک، کوتلوی سفربرلیک کئچیرمک، ناتو اؤلکه‌لرینین قوشونلارینی اوکراینایا یئرلشدیرمک و محاربه‌نین یئنی مرحله‌سینی باشلاتماق اوچون استفاده ائتمیی پلانلاشدیریرلار. روسیا بونو انگلله‌مک اوچون آتشکه‌سین ۴ اساس شرطله باغلانماسینی طلب ائدیر.

آتشکس دؤورونده اوکراینایا سلاح تداروکونه امبارقو قویولماسی، آتشکس مدتینده سفربرلیین قاداغان اولونماسی، اوکراینا عسگرلرینین ناتو بازالاریندا تعلیم کئچمه‌سینین قاداغان ائدیلمه‌سی و ناتو اؤلکه‌لرینین حربچیلرینین هئچ بیر سببله اوکراینایا یئرلشدیریلمه‌مه‌سی مسکوانین اساس شرطلری‌دیر».

مارکوو قید ائدیر کی، واشینگتن اوچون ایسه بو شرطلر اؤنملی دئییل و ترامپ نتیجه الده ائتمک فکرینده‌دیر:

«ترامپ حربی عملیاتلاری دایاندیرماق ایستییر، لاکین شرطلر اونون اوچون اؤنملی دئییل. او، هانسی‌سا کومپرومیس تاپماغا چالیشیر. بو دانیشیقلارین نتیجه‌لرینی پروگنوزلاشدیرماق چتیندیر».