ایستانبول بؤیوکشهر بلدیه‌سینه (ایبب) قارشی کئچیریلن کوتلوی کوروپسییا استنتاقی چرچیوه‌سینده «مئدیا» آ.ش. اداره هیئتینین صدری مراد اونگونون ساغ الی و اورتاغی اولدوغو ادعا ائدیلن امراه بغدادلی‌نین آمریکایا قاچدیغی معلوم اولوب.

Axar.az خبر وئریر کی، بو باره‌ده تورکیه مئدیاسی معلومات یاییب.

بیلدیریلیب کی، بغدادلی‌‍نین ۲۰۲۲-۲۰۲۴-جو ایللرده اؤز آدینا یاراتدیغی شیرکتلر واسطه‌سیله ۶۰-دان چوخ تندر قازاندیغی معین ائدیلیب. بوندان باشقا، اونون یانیندا ایشله‌یه‌ن ۳۵ نفرین آدینا رکلام شرکتی قوردوغو و تندرلری قازاندیغی، بو شرکتلرین بیر چوخونون عینی عنوان‌دا اولدوغو بللی اولوب.

بوندان باشقا، بغدادلینین ائوینده میلیونلارلا لیره دیرینده ساعت کولکسیاسینین اولدوغو دا وورغولانیب.

قید ائدک کی، تورکیه مطبوعاتی بغدادلی‌نی ایستانبول بؤیوکشهر بلدیه‌سی صدری اکرم امام اوغلونون «گیزلی کاساسی» کیمی تقدیم ائدیب.

خاطرلاداق کی، اؤتن گون استانبول بؤیوکشهر بلدیه‌سین‌ده کوروپسییایا قارشی عملیات کئچیریلیب. عملیات چرچیوه‌سینده امام اوغلو دا داخیل اولماقلا، ۱۰۶ نفر ساخلانیلیب.