روسیا باکی‌داکی روس ائوی اطرافین‌دا یارانمیش وضعیتین حلی ایله باغلی تکلیفلرینی آذربایجان طرفینه چاتدیریب و کونستروکتیو قارشی‌لیقلی یاناشما گؤزلییر.

Axar.az خبر وئریر کی، بونو روسیا خاریجی ایشلر ناظرلیینین رسمی نماینده‌سی مارییا زاخارووا بریفینگده دئییب.

«موجود وضعیتین حلی ایله باغلی تکلیفلریمیز طرفداشلاریمیزا چاتدیریلیب. بیز آذربایجان طرفینین کونستروکتیو یاناشماسینا و هانسی‌سا کومپرومیس حلین تئزلیکله الده اولونماسینا اومید ائدیریک»، - زاخارووا بیلدیریب.

قید ائدک کی، آذربایجان خاریجی ایشلر ناظرلیینین طلبی ایله علاقدار اولاراق فورالین ۱۱-ده «روسوترودنیچئستوو» روس ائوینین باکی‌داکی نماینده‌لییی فعالیتینی دایاندیرمیشدی.