فرانسانین ارمنستانا اؤلدوروجو سلاحلار وئرمه‌سی، ائلجه ده صلحه خدمت ائتمه‌یه‌ن اوزون مدت‌لی آنتی-آذربایجان موقعی ناظر ژان نوئل باررونون رگیونال گرگین‌لیکدن ناراحات‌لیغینی ایفاده ائتمه‌سی ایله ضدیت تشکیل ائدیر.

Axar.az خبر وئریر کی، بو باره‌ده خاریجی ایشلر ناظرلیینین مطبوعات کاتیبی آیخان حاجی‌زاده اؤزونون ایکس سوسیال شبکه‌سین‌ده یازیب.

"بو ایکیلی یاناشما فرانسانین ایکی اوزلولویونو ایفشا ائدیر. صلح سازشی لایحه‌سی اوزرینده ایشین یکونلاشدیریلماسی مهم حادثه اولسا دا، سازشین امضالانماسی و داواملی ثابت‌لیک اساس مسئله‌لرین حلینی، خصوصیله ارمنستان کونستیتوسیاسین‌دا اراضی ادعالارینین آرادان قالدیریلماسی و ثابت‌لییی پوزان خاریجی مداخیله‌لرین، او جمله‌دن، فرانسانین مداخله‌سینین دایاندیریلماسینی طلب ائدیر.

بوندان باشقا، بشریته قارشی جنایتلرده تقصیرلن‌دیریلن شخصلرین محکمه پروسسلرینه مانع تؤرتمک تکجه داخلی ایشلره قاریشماق دئییل، هم ده بو جور جنایتلره گؤره مسئولیته جلب ائدیلمه پروسسینه خلل گتیریر"، - او بیلدیریب.