آمریکا ایله ایران آراسیندا اوچونجو راوندون کئچیریلجیی باره‌ده یاییلان خبرلر مثبت ایرلیلییشین گؤستریجی‌سیدیر. هم آمریکا پرزیدنتی دونالد ترامپ، هم ده آیری-آیری ایران رسمیلری دانیشیقلارین کونستروکتیو محیط‌ده داوام ائتدیینی وورغولاییب.

بو سؤزلری Axar.az-آ پولیتولوق قابیل حسین‌لی آمریکا-ایران دانیشیقلاری حاق‌دا قید ائدیب.

پولیتولوگون فکرینجه، اجتماعی آچیقلامالار تهرانین راضیلیغا گلمکده ماراقلی اولدوغونو گؤستریر:

«ایرانین بو پروسس‌ده آلترناتیوی یوخدور. ایرانین قارشی‌سین‌دا گوجلو بیر دولت دایانیب. بو سبب‌دن ایران، هئچ اولماسا، هانسی‌سا راضیلاشما الده ائتمه‌یه چالیشاجاق».

اونون سؤزلرینه گؤره، تهران نووه سلاحی حاضرلامادیغینی ثبوت ائتمک اوچون ماقاته-نین اؤلکه‌یه گیریشینه و نووه اوبیکتلرین‌ده آراشدیرما آپارماسینا اجازه وئره‌جک:

«طبیعی کی، گیزلدیلمه‌سی لازیم اولانلار آرتیق گیزلدیلیب. ایندی اساس مسئله ایرانین نووه سلاحی یاراتمادیغینی ثبوتا یئتیرمک‌دیر. ماقاته نووه سلاحینا دایر دلیل تاپماسا، بو، ایران اوچون جدی آرگومنت اولاجاق و اونو ترامپین غضبین‌دن قورویاجاق».

پولیتولوگ علاوه ائدیب کی، حاضرکی مرحله‌ده ایرانا محاربه لازیم دئییل:

«محاربه ایران‌دا جدی فسادلارا یول آچا بیلر. هم ده بیزیم اوچون ایران-آمریکا محاربه‌سی آرزو اولونمازدیر - اورادا میلیونلارلا سویداشیمیز یاشاییر. ایندیکی مرحله‌ده محاربه‌دن ان چوخ اونلار اذیت چکه‌جک. من اینانیرام کی، دانیشیقلاردان مثبت نتیجه الده اولوناجاق».

قید ائدک کی، آمریکا-ایران دانیشیقلارینین ۳-جو راون‌دو ۲۶ آپرئل‌ده عمان‌دا کئچیریله‌جک.