بعضیلری ارمنستان مقدس آپوستول کلیساسینی ریاکارلیقدان و فاریسئیچی‌لیک‌دن آزاد ائتمک پروسسین‌ده گویا تورک و یا آذربایجان ایزی آختارماغا چالیشیر.

Axar.az خبر وئریر کی، بو سؤزلری ارمنستان باش ناظری نیکول پاشینیان دئییب.

او قید ائدیب کی، بعضیلری کلیسادا باش وئره‌ن عیبجرلیکلری اؤرت-باسدیر ائتمک ایسته‌ییر:

«محض بو، فاریسئیچیلیین ان آچیق تظاهرودور – آذربایجانلی و یا تورک آرگومئنتلریندن استفاده ائد‌رک اؤز چیرکابلارینی ارمنستان جمعیتین‌دن گیزلتمک جهدی‌دیر. بو متودو استفاده ائد‌نلر عینی زاماندا خارجی قوه‌لره ساغلام اجتماعی مذاکره‌لری پوزماق، هر جور اصلاحاتلاری بوغماق و ارمنستان مقدس آپوستول کلیساسینی بو گون اولدوغو کیمی چیخیلماز وضعیت‌ده ساخلاماق امکانی یارادیرلار. ارمنستانین و اونون آپوستول کلیساسینین انکشافینی ایسته‌مه‌ین قوه‌لر اوچون کلیسانین مقدس‌لیکلرینی موردارلامیش کتریچ نئرسیسیان (II قاراگئن – رئد.) و اونون کیمیلری – کشیش لباسین‌دا گیزلنمیش شخصلر – اصل هدیه‌دیر.

بعضیلری کتریچ نئرسیسیانی مدافعه موقعیندن چیخیش ائدیر. نه‌یی مدافعه ائدیرسینیز؟ کیمی مدافعه ائدیرسینیز؟ یالانی، ساختاکارلیغی، موردارلیغی؟ بو یوللا سیز اؤزونوزو مدافعه ائدیرسینیز و هئچ بیر شانسینیز یوخدور.

ارمنستان مقدس آپوستول کلیساسی عیسی مسیحه و ارمنی خالقینا قایتاریلاجاق. کتریچ نئرسیسیان ایسه کاتولیکوس اقامتگاهینی ترک ائتمه‌لی‌دیر.

پ.س. بیر چوخو دوشونور کی، منیم یئنی بیر کاتولیکوس نامزدیم وار. تأسف کی، نامزدیم یوخدور. اما کاتولیکوسون نئجه بیری اولمالی اولدوغونا دایر تصووروم وار: اللها اینانان بیر انسان، عیسی مسیحین داوامچیسی اولان بیری، فیریلداقچی و سلم‌چی دئییل، کلیسایا خدمت ائد‌ن، ایمانلی و مؤمن بیر روحانی - کشیش لباسین‌دا گیزلنمیش گناهکار یوخ.

و بیز مطلق دیندار و الله‌دان قورخان بیر کاتولیکوس صاحبی اولاجاغیق».

قید ائدک کی، ارمنستان‌دا کلیسا و حکومت قارشی‌دورماسی گئنیشله‌نیب.