آذربایجان طرفلرین ماراقلی اولدوغو تقدیرده باکی‌دا روسیه-اوکراینا دانیشیقلارینین کئچیریلمه‌سی اوچون بوتون لازیمی شرایطی تامین ائتمه‌یه حاضردیر.

Axar.az خبر وئریر کی، بو باره‌ده آذربایجان پرزیدنتینین کمکچی‌سی - پرزیدنت آدمینیستراسییاسینین خارجی سیاست مسئله‌لری شعبه‌سینین مدیری حکمت حاجی‌اف آلمانییانین "برلینر زیتونگ" نشرینه مصاحیبه‌سین‌ده بیلدیریب.

او وورغولاییب کی، باکی اؤزونو رئگیونون دیپلوماتیک پایتاختلاریندان بیری کیمی تصدیقله‌ییب و مهم بین‌الخالق دانیشیقلارا ائو صاحبلییی ائدیر.

"اگر دوستلاریمیز و طرفداشلاریمیز (روسیه و اوکراینا - رئد.) باکی‌دا گؤروشمک ایسته‌سه‌لر، بیز اونلاری قبول ائتمه‌یه چوخ شاد اولاریق. باکی آرتیق بوتون خزر رئگیونونون دیپلوماتیک پایتاختی‌دیر. بورادا تورکیه و اسرائیل آراسیندا دانیشیقلار آپاریلیب. سوریه و اسرائیل ده باکی‌دا دانیشیقلار آپاریب. داها اوللر بورادا روسیه و آمریکا آراسیندا راکت علیهینه مدافعه سیستملری ایله باغلی استراتژی دانیشیقلار، همچینین روسییا-ناتو دانیشیقلاری کئچیریلیب. سون واختلار باکی‌دا بیر چوخ دیگر دیپلوماتیک تدبیرلر کئچیریلیب. بیز هامینی قبول ائتمه‌یه شادیق، لاکین هئچ کیمی مجبور ائده بیلمه‌ریک. اونلار اؤزلری بیزه مراجعت ائتمه‌لیدیرلر"، - ح.حاجی‌اف قید ائدیب.