"چلسی" اوچون "قاراباغ"لا اویون چتین کئچیب.

Axar.az خبر وئریر کی، بونو اینگیلتره‌نین "چلسی" کلوبونون باش مشقچی‌سی انتسو مارسکا مطبوعات کنفرانسین‌دا دئییب.

متخصص "قاراباغ"آ قارشی کئچیردیکلری یوفا چمپیونلار لیگاسینین اساس مرحله‌سینین ۴-جو تورونون اویونون‌دان سونرا فکرلرینی بؤلوشوب:

"هیئتیمیزده زده‌لی اویونچولار وار ایدی. میدانداکی دوزولوشو دوزگون ائتمه‌یه چالیشدیق. قارشیلاشمایا یاخشی باشلادیق، حتی گل دا ووردوق. تأسف کی، داها سونرا قاپیمیزدا ایکی گل گؤردوک. ایکینجی حصه‌ده معین دییشیکلیکلر ائتدیک. کوماندامیز ۳ گوندن بیر اویون کئچیریر. بیزیم اوچون آغیر گئجه ایدی. دوغروسونو سؤیله‌مک لازمدیرسا، پیس گللار بوراخدیق".

او، آغدام تمثیلچی‌سینین میدان‌دا اؤزونو یاخشی طرفدن گؤستردیینی وورغولاییب:

"قاراباغ"این یاخشی کومان‌دا اولدوغونو داها اولدن دئمیشدیم. اونلارا قارشی چیخیش ائتمک بیزیم اوچون چتین ایدی. چمپیونلار لیگاسین‌دا هر جوره نتیجه‌یه حاضر اولماق لازم‌دیر".

مارسکا "قاراباغ" آزارکئشلرینین الا آتموسفر یاراتدیقلارینی سؤیله‌ییب:

"استادیون‌دا چوخ یاخشی آب-هوا وار ایدی. غلبه قازانماق ایسته‌ییردیک، لاکن اولمادی. گوجموزو توپلاییب، نوبتی ماتچلاردا غالب گلمه‌یی دوشونوروک".

قید ائدک کی، "قاراباغ" - "چلسی" اویونو ۲:۲ حسابلی برابرلیکله یکونلاشیب.