تبریزین "مقاومت شهرداری" قادین هندبول کومانداسی بیرینجی دیویزیون لیگاسینین ایکینجی تورونون سون ماتچین‌دا "قدیر ملایر" اوزرینده ۳۶-۳۵ حساب‌لی غلبه قازاناراق بیرباشا پرمیر لیگایا یوکسلیب.

Axar.az خبر وئریر کی، بو باره‌ده ایدمان مئدیاسی معلومات یاییب.

بیلدیریلیب کی، کرمان شهرین‌ده کئچیریلن اویون‌دا تبریزلی قیزلار سون دقیقه‌لرده پارلاق اویون نمایش ائتدیره‌رک رقیبی مغلوب ائتدیلر.

بو، شرقی آذربایجان قادین هندبول کومان‌داسینین پرمیر لیگایا ایلک یوکسلیشی‌دیر.

کوماندانین باش مشق‌چی‌سی اکرم حسینی کوماندانین پرمیر لیگادا دا غلبه قازانماغا حاضر اولدوغونو دئییب:

"بو غلبه قیزلاریمیزین عزمکار سعیلرینین و یوکسک احوال-روحییه‌سینین نتیجه‌سی‌دیر. تبریز قیزلارینین پرمیر لیگادا غلبه قازانماسینی گؤزلییریک".