فیفا پرزیدنتی جانی اینفانتینو "FİFA Forward Enterprise" لاییحه‌سینین رئاللاشاجاغی حالدا ایللیک ماعاشینی ۳۰ میلیون آمریکا دلارینا قدر آرتیرماغی پلانلاشدیریب.

Axar.az خبر وئریر کی، بو باره‌ده "تایمز" نشری معلومات یاییب.

نشرین یازدیغینا گؤره، اینفانتینو یئنی یارادیلماسی نظرده توتولان شرکته رهبرلیک ائتدیی اوچون علاوه بونوسلار دا الده ائتمه‌یی دوشونوب.

لاییحه‌یه اساساً، "FİFA Forward Enterprise" آدلی آیریجا شرکت یارادیلمالی و فیفا-نین اساس کیشی و قادین فوتبول تورنیرلرینین کوممرسییا اداره‌چیلیینی اؤز اوزرینه گؤتورمه‌لی ایدی. اینفانتینو حساب ائدیردی کی، بو مدل فیفا-یا عضو میللی آسوسیاسییالارین گلیرلرینی آرتیراجاق و دنیا فوتبولونون انکشافینا علاوه تحفه وئرجک.

بونونلا بئله، لاییحه فوتبول فونکسیونرلری، ملی فدراسییالار و دیگر ماراقلی طرفلر طرفیندن جدی تنقید اولونوب.

سونرادان فیفا پرزیدنتی دنیا چمپیوناتینین کوممرسییا حقوقلارینین بیر حصه‌سینین اؤزل اینوستورلارا ساتیلماسینی نظرده توتان لاییحه‌دن امتنا ائدیب.