«فنرباغچا» کلوبونون موزئیین‌ده قورونان ۲۰۱۰-۲۰۱۱-جی ایل تورکییه سوپر لیقاسینین چمپیونلوق کوبوکو «طرابزون سپور» آزارکئشی طرفین‌دن اوغورلانیب.

آخار. آذ خبر وئریر کی، طرابزونلو خالید شاهین کوبوکون قوروندوغو شوشه‌نی باشی ایله قیراراق اونو گؤتوروب. قاچماغا چالیشان آزارکئشی محافظه‌چیلر توتوب، پلیسه تحویل وئریبلر.

قید ائدک کی، تورکییه سوپر لیقاسینین ۲۰۱۰-۲۰۱۱-جی ایل مؤسومونده اویون آلغی-ساتقیلارینین باش وئرمه‌سی ادعا اولونور. «طرابزون سپور» و «فنرباغچا» کلوبلاری همین مؤسومون سونون‌دا عینی (۸۲) خالی توپلاییبلار. لاکین شخصی گؤروشلره گؤره چمپیونلوغو ایتیره‌ن «طرابزون سپور» طرفی «فنر»این اویون آلغی-ساتقی‌سین‌دا ایشتیراک ائتدیینی دفعه‌لرله دئیه‌رک، کوبوکون اؤزلرینه وئریلمه‌سینی طلب ائدیر.