آذربایجانین ایتکین دوشموش تانینمیش فوتبولچوسو فایق جابباروو تاپیلیب.

بو باره‌ده رئپورت-آ فوتبولچونون قارداشی ستتار جابباروو معلومات وئریب.

اونون سؤزلرینه گؤره، آرتیق قارداشی ایله تلفونلا علاقه‌سی ساخلاییبلار: "اونون وضعیتی یاخشی‌دیر. حاضردا فایق جابباروو گنجه شهرین‌ده‌دیر".

جابباروو بعضی اینفورماسیا واسیطه لرینده قارداشینین اؤلدویو حاقیندا یالان معلومات وئریلمه‌سینی ده قیناییب: "قارداشیم ساغ-سالاماتدیر. ساده‌جه، بعضی شخصی سببلره گؤره بیر نئچه گون عائله‌سی ایله علاقه ساخلاماییب و عائله‌دن اونون هاردا اولدوغونو بیلمیردیلر. بیز ده اونون ایتکین دوشدویونو دوشونوردوک. بو گون ایسه اونونلا تلفونلا دانیشدیق و گنجه‌ده اولدوغونو، هئچ بیر پروبلئم اولمادیغینی دئدی".

قید ائدک کی، جاببارووون عائله‌سی اوچ گوندن چوخدور فوتبولچونون ایتکین دوشدویونو آچیقلاییب. بعضی مطبوعات اورگانلاری ایسه اونون اؤلدویو حاقین‌دا معلوماتلار یاییب.